Jamma alarba jofi alkamiisa 8 abriil 2010 yimɓe heewɓe hoɗɓe e Midwest paayii no feewi nde ceedii lewlewndu mawndu ina ina seeka asamaan wondude e iidaango mawngo. Ɗum ummorii ko himaange ina tiindii fuɗnaange. Ɗum seedaama ko ina wona hojomaaji 15, hade majjum saayde. Heewɓe mbiyi nanii kalitgol majjum, jerɓinngol leɗɗe e kuɓeeje. Sarwis toppitiiɗo ko fayti e meteo (ngonka weeyo) wiyi ina waawi tawa ko haayre (meteorit) duppitii caggal nde naati weeyo men, sibu ina anndaa wonde hitaande kala, hakkunde 4 mars e 21 abriil ina waɗa “toɓo” koode ciirtotooɗe, anndiraango “ Gamma Virginids ”. Koode ciirtotooɗe noon ko innde tan, kono wonaa koode, ko kaaƴe weeyo naataata e hennduure leydi, nduppitoo.
ВАВ
