Ñalɗi pinal Fulɓe to Jinkeere, komin Franliitaama, falnde Magaama e gardagol hooreejo Catal Komin oo hono Buuye Sammba Bah to Jinkeere. Ñalnde 20/09/2014 gure komin oo kala nootiima. Nde waktu juulaa, bottaaje ngottaa waɗaa joɗnde kesɗitingol yiilirde catal ngal. Nde futuro juulaa waɗaa hiirde pinal, yeewtaa heen ko toɓɓe ɗiɗi : « nafoore dental » e « nafoore jaŋde ». Caggal ɗuum waɗii naamne kaanɗe e jaabawuuli joortaaɗi e geɗe cariiɗe. Yeewtani yimɓe ɓee ko seernaaɓe ɗiɗo, tedduɓe, softuɓe, hono Jallo Aliu Mbaare to Ŋele-baa e Yaayaa Fuunti Soh to Ñoomel. Subaka 21/09/2014 waɗaa ƴaro baali. Ko yooɗi yiyaama ñalnde heen so baali payɗi, jooɗɗi, peewɗi, dokkuɗi jaalo wune saange nde mbeeyni kuura, mbaggu honngaa, kelle e kuljinaali iirtondiri.
Yiilirde hesere ndee ko nii lelorii :
- Hooreejo Catal Buuya Sammba Bah Jinkeere
- Cukko hooreejo Abdullaay Buuɗi Jallo Burle
- Koolaaɗo Kuuɓal Sileymaani Huseyni Bah Jinkeere
- Cukko KK Ceerno Haaruuna Jallo Jinkeere
- Kalfinaaɗo Jaŋde Muusaa Mammadu Bah Wuro Door
- Cukko kalfinaaɗo jaŋde Mammadu Demmba Bah Wiiɗnde Eerel
- Kalfinaaɗo ngalu Abuu Demmba Soh Haawre
- Cukko kalfinaaɗo ngalu Jibi Sammba Bah Hellere
- Kalfinaaɗo kumpital Aamadu Silli Bah Ñaaruwel kelewaaji
- Cukko kalfinaaɗo kumpital Aadama Paate Soh Wiiɗnde Lelel
- Kalfinaaɗo njuɓɓudi Jibi Aamadu Jallo Hellere (cukko meer)
- Cukko kalfinaaɗo njuɓɓudi Daawuuda Suwaadu Kulibali Wuro Hammadi Malal
- Kalfinaaɗo eɓɓooji faggudu Mammadu Abdul Jinkeere (meer komin)
- Cukko kalfinaaɗo eɓɓooji Usmaan Demmba Jah Haawre
- Kalfinaaɗo pinal Abdul Juulde Burle
- Cukko kalfinaaɗo pinal Bowwa Jah Weli ngaraa
- Koroowo ngalu Ceerno Demmba Jah Wuro Dooro
- Cukko koroowo ngalu Mullaay wul Fereyda Wuro Siidi
Hooreeɓe teddungal:
- Ifraa Sammba Bah Ñaaruwel kelewaaji
- Sammba Hammadi Soh Weli ngaraa
- Yero Mori Bah Caaɗli wuro lofu
