(Doole Enɗam Ɓesngu Lugge Saybooɓe) to Nuwaadibu ƴuɓɓinaama to Nuwaadibu, ñande 28 abriil 2007, ñalawma pinal tawi ko Fedde Debel yuɓɓini ɗum. Golle ɗe ko nii lelorii :
1-Adii fof ko konngol udditirgol, caggal jaŋde Quraana, tawi ko hooreejo fedde nde hono Daawuuda lih. O bismii denndaangal hoɗɓe nootitiiɓe e ñalawma o. Nde ɗum ɓenni ko cukko hooreejo fedde nde hono Abuu Umaar Kan ƴefti konngol, o haali ko fayti e nguurndam Fedde nde, sabaabu cosgol Fedde nde e paandaale ɗe tawi yo yiɗde renndinde ɓesngu Lugge Saybooɓe e wuurtinde pinal fulɓe. Nde o joofni ko Abuu Muusaa Joop hono ɗowoowo golle ɗe yefti konngol, o holliri lelngo loowdi ñalawma o :
2-jimol udditirgol tawi tiitoonde mum ko » bisimmilla mon «
3-njalniika tawi tiitoonde mum ko » insaalaa » yuɓɓini ɗum ko terɗe fedde nde.
4-jalluɗi ceeɓndam hakkunde fedde « Ƴellitaare » e fedde « Looti » mo Baabaaɓe Looti hawi caggal nde ɓe ndañi toɓɓe 19/24, Ƴellitaare dañi 07/24.
5-njalniika tawi tiitoonde mum ko « uujo » yuɓɓini ɗum ko terɗe fedde nde.
6-jimol Dooro Bah naalanke fedde nde, tiitoonde jimol ngol ko Raamata Ceerno Bah tawi ko gooto e ngenndiyankooɓe pulaar mo Lugge Saybooɓe
7-jalluɗi ceeɓndam hakkunde fedde « Ngatamaare » hawi caggal nde ɓe ndañi toɓɓe 16/24, fedde Unesco dañi toɓɓe 06/24.
8-njalniika tawi tiitoonde mum ko « gorko baawaaɗo » yuɓɓini njalniika ka ko terɗe fedde nde.
9-jalluɗi ceeɓudam hakkunde pelle ɗiɗi taccuɓe daawal gadanal hono fedde « Looti » e fedde « Nngaatamaare ». Ko fedde ngatamaare nawi raay.ɓe ndañi toɓɓe 15/24, fedde Looti dañi 10/24; Ko nii holliri ñaawooɓe ɓe hono Tijjani Haafaja Deh e Demba Taal.
10- jimol Dooro Bah tawi tiitoonde mum ko dental.
11-yeewtere tawi yeewtiyanke o ko Haamiidu Mammadu Caam mo Lugge Saybooɓe, tiitoonde yewtere nde ko » daartol lugge saybooɓe «
12-konnguɗi mawɓe pelle e mawɓe seteeji bismanooɓe e ñalawna O.
13-konngol udirgol tawi ko ceerno Habiibu Kan mo Lugge Seybooɓe, o sakkiti duwaawu. Yimɓe ndokkondiri juuɗe, mbaynondiri. Eɗen njetta fedde Debel, eɗen nduwonoo ɓe e golle maɓɓe teskinɗe. Haamiidu caan, tawtaronooɗo ñalawma O.
