Ndee haayre jari
Haayre ummoriinde Mars (ɗaŋre Mbaañ), nde 24,67 kg teddeendi, yeeyaama ñalnde alarba 16 sulyee 2025 to New York (Amerik), miliyoŋaaji nay (4,3 miliyoŋ) dolaar, walla mbiyen hedde miliyaar e teemedde jeeɗiɗi miliyoŋ ugiya men ɓooyɗo oo (1 720 000 000 MRO).
Haayre ndee ine fota e fuku bal mawneeki. Ko daddoowo kaaƴe malaaɗo no feewi, yiytunoo nde Agadez to Niiseer. Caggal ɗuum, nde rewii to ganniiru kaaƴe weeyo Shangai ngam teeŋtinde iwdi mayre. Anndaaka nde nde yani he leydi, kono haralleeɓe majjum ine cikki ɓooyaani.
Wonande iwdi mayre, ine sikkaa nde yalti ko e pelɓondiral doolnungal Mbaañ e haayre weeyo woɗnde. Caggal ɗanngal 62,1 miliyoŋ kiloomeeteer, nde yani nder Sahara, to Niiseer. Caggal nde nde wejaa e nokkuuji ɗiɗi to Itali, nde yantoyi Amerik, nde soodaa toon coggu jooni nguu.
Ndee haayre jari
