Ñalnde alet 04/04/2010 waktuuji 5 kikiiɗe sete FƁPM jokkondirii e gooto e hooreeɓe teddungal fedde ndee, hono doktoor Abuu Usmaan Bah. Caggal calminaali e njettoor feewde e makko, sete оо yettinii mo kabaaru peewtudo e keɓtugol galle fedde ndee, weeɗi mo kaayit “ dekere laamu Muritani ciifaaɗo e batu jaagorɗe laamu jooɗinoongu ñalnde alarba 24 feebariyee 2010. ”
E nder heen hooreejo teddungal hollitii weltaare mum e keɓtugol galle oo, o hollitii kadi ngoƴa mo o wondi ko feewti e darnde fotnde dareede mbele leñol ngol ina maha galle o. O woytiima kadi leefre nde o wondi e caɗeele kadi cellal. Sete oo siftinii mo ko njillu ngu ko fotde hakkunde fedde ndee e makko, ɗum woni humpitde mo kala kewkewe jolooje e fedde nde, tee anndinii mo ko kanko woni gadiiɗo addude ballal mum e mahgol galle fedde nde.
E Joofnirde sete oo ina huccitina njettoor mum ɓurɗo teeŋtuɗe feewde e Juude Jeerinaaɓe njaatigeeɓe siyaara o, dariiɓe laŋ haa ngoƴa oo feewi. Njettoor kadi feewde e Daahiira Sammba Jaadanaa caabiido tawtoregol fedde ndee e ɗee kewkewe diine mawninooje leñol fulɓe (haalpulaaren). Yo Alla ɓuuɓnu ƴiye Sammba Jaadana tooñaaɗo waraa, kanko e maayɓe juulɓe kala. Njettoor sete oo feewde e giɗo leñol e goonga, kollirɗo e goonga fiɓnde mum e giɗli mum feewde e leñol ngol e pinal leñol ngol, hono doktoor Abuu Usman Bah hooreejo teddungal FƁPM. Yo ALLA ОО SELLIN MO SELLINA JUULƁE KALA.
Abdullaay Haaruuna Sih
