Sit internet biyeteeɗo Taqadoumy habrii wonde ñalnde 9 desammbar 2008,
Dennis Hankins, lomto ammbaasadeer Amerik e Nuwaasoot, yahii Lemden. Ngol woni laawol makko toon ɗiɗmol, ko o yillotoo Siidi wul Seek Abdallaahi. Geɗel gootel fooɗtii heen hakillaaji yimɓe ɓe : Hankins yahdii toon ko e militeer Ameriknaajo gooto. Nde o yeewtidta e Siidi, oon militeer kañum woni e yillaade saraaji wuro ngo, yiyndiri e sanndarmeeɓe reenooɓe Siidi ɓe. O naamnii no foti otooji ngoni ɗoon, peeñɗi heen e cuuɗaaɗi heen ɗii fof. O naamnii ɓe naamne keewɗe.
Natal : Persidaa Siidi wul Seek Abdallaahi e Dennis Hankins to Lemden ñalnde 9 desammbar 2008
