So won leliiɓe, ɗaaniiɓe, won dariiɓe e wiɗtude hanki men gila e nder leydi men haa e leyɗe goɗɗuɗe, ɗo ɓarakke taaniraaɓe mbaawi yiyteede. Ceerno Ñokkaan Aadama ko e ɓeen dariiɓe jeyaa. Ko sakkitii koo, o yillinooma wuro Barooɓe Jakel ñalnde 3 lewru bowte (desaambar) 2017 ngam wiɗtude e luggiɗinaade e nguurndam bareejo, jeyaaɗo ɗoon e Barooɓe Jakel ena wiyee Umaar Ibnu Seydi, dahanooɗo, yeeyoyaa Amerik, waɗtaa jiyaaɗo. Ñalnde 4 ndee, o jooɗodii e won e yimɓe wuro ngoo, e tawtoreede NJaay Saydu Aamadu, sikkaaɓe ena pota anndude walla waawde jaabtaade naamnde makko. O yettinii ɓe maane keewɗe, o heɓii huunde e jaabawuuji. Maa en njokku e wiɗto Ceerno Ñokkaan Aadama e ooɗoo gorko bareejo e tonngoode men aroore, so Geno newnii.
Gelongal Fuuta lollirɗo, Njaay Saydu Aamadu
