Hay sinno en mbaawa limtude ɓure ɗee fof, ma en eto heen limtude ko hakkillaaji men ngaddani en. Ɓeen ngoni : jokkere en[am e welamma dañaaɗo e jiindirgol banndiraaɓe to kosam, to pinal e to lislaam; Moƴƴere e barke joortaaɗo e juuraade waliyyu Allah hono Ceerno Njaay kam e annduɓe Allah ko wayino: Tafsiiru Aamadu Tijjaani Bah kalifa [i[aɓo lomtiiɗo caggal duttagol Ceerno Njaay e joom mum; Tafsiiru Mammadu Karimoko Bah Elimaan Baabaaɓe e ooɗo sahaa, Ceerno Buubu Bah ganndo maantinɗo e wuro ngo tawi ina yuɓɓinanee kala hitaande njillu islaam (siyaara), denndaangal ardiiɓe jamaaji Baabaaɓe.
Tawtoreede gaafgol haayre adannde jamaa e janngirɗe nder nokku jooɗorɗo Dental Pinal Ceerno Njaay Bah ; Ngal ɗo gollal waɗi ko e gardagol Elimaan wuro ngo, tawi ko e yamiroore Tafsiiru Aamadu. Tijjaani mo kattanɗe mum kaɗi arde. Sabu teskin’gol kewu o, so wonaa mo ngantu tiiɗɗo nanngi ina sa[i mo tawtoraaka, haa teenti noon e ardiiɓe jamaaji kam e joo- ɗaniibe laamu e nder nokku o. Njillu ngu semmbinii janngatnooɓe ɓe, wonanii ɓe jeeyngal feewde e ɓe ngarataano ɓe, tee jibini kes[itin’gol catal Fedde Ɓamtaare pulaar e nder Baabaaɓe.
E tonngol eden mbaawi wiyde njillu ngu waɗii nafoore e banngeeji keewɗi, sabu semmbinii pinal, jokkii en[am, teddinii lislaam. Fawaade e ko bennii ko fof, e innde Hooreejo Teddungal FBPM Abu Usmaan Bah e yiilirde Dental Pinal Ceerno Njaay e kala jeyaaɗo e Baabaaɓe tawtoraaɗo e mo tawtoraaka, e[en nelda njettoor men teeŋtudo feewde e yiilirde Fedde Ɓamtaare Pulaar, kañum fof e heewreede waawii heƴnude en heen, yuɓɓini nguuɗoo njillu barkinngu to Baabaaɓe. Yo Allah yoɓ ɓe moƴƴere, semmbina ɓe e golle ɗe ɓe ngummanii ɗe.
Mammadu Bookar Lih
