paamooji Wolof. No njiɗir-ɗon fof. ɗum nattii wonde haala, wontii goonga. Ɗeen golle pirgol porogaramuuji ɗiɗi, hono ɓindows Vista e Office 2007, puɗɗaa ko ñalnde aljumaa 27 suwee 2008. Ngalɗoo tuugnorgal jeyaa ko e eɓɓaande (porjet) wiyeteende, e ɗemngal Farayse « programme de localisation de langue ». Fayndaare ndeen eɓɓaande ko firde huunde e porogaramuuji Microsoft e ɗemɗe nokkuyankooje. E hitaande 2005 ko ɗemngal kiswaahili wonnoo. Hade ɗum ko Afrikaans e Izuzulu. Ko fuɗɗoode tan sibu alaa ɗemngal ɓe nganniyii woppude.
Tuugnorgal ngal ina toɗɗii fotde 95 ɗemngal tawi heen 40 ko ɗemɗe Afriknaaje. Ina gasa tawa ɓuri wuurtude ɓe heen kamɓe sosiyatee o ko njulaagu, kono wonande en, nafoore nde ina heewi, ina mawni, tee batte mum moƴƴe en mbaawaa tawo ɓetde ɗum. Eɗen paami kam wonde nde «kala nde ɗemngal maayi, ko leñol majji. ɗum firti ko ngenndi e pinal ina mbaasa mooftirde. Leydi walla leñol wallitirtee ƴellitaade tan ko rewrude e ɗemngal mum ». Ko ɗum woni ko ardiiɓe Microsoft kadi kaali.
Eɗen njenanaa, Pulaar/fulfulde jooni loma yolnde. Tabitingol ngalɗoo tuugnorgal firti ko jooni denndaangal caɗeele gondanooɗe to bannge binndol njejjitee, hay so tawii nii, eɗen nganndi ɗe nattii heewde no feewi, nde tawnoo ina golloree banngeeji kala : ɓee ina topoo porogaramuuji, ɓee ina pira, ɓee ina toppitii alkule (Unicode e yeru).
Hannde, ɗemngal kala ina waawi feewnaneede tappirde (clavier) mum heeriinde e rewrude, yeru, e kuutorgel (utilitaire) ngel Microsoft topii, biyeteengal MKLC (Microsoft Keyboard Layout Creator). Ko kanngel kuutori-ɗen ngam tafde tappirde Pulaar (Muritani). Heddii ko wallitde, woni duñtude ɓe. To ɗoon bannge darnde yimɓe men wonɓe e ɗiin nokkuuji ko huunde teeŋtunde.
Bookara Aamadu Bah
