E nder Fooyre Ɓamtaare tŋ 93 (desammbar 2011) en kaaliino ko faati e otooji Google nawooji koye mum en, ɗi ɓe ngoni e hoolkisaade ko ina wona duuɓi ɗiɗi jooni.
Sikke alaa, ɗiin otooji ko keewoyooji nafoore, gila e konndirde tawa ina waɗa goɗɗum haa e ustugol uddooji e aksidaaji kam e ñaamgol isaas… Google jarribiima nafoore woɗnde, heewnde faayiida : wumɓe maa mbaaw konndirde otooji ! Ɓe njarribiima ɗum sibu, gumɗo gooto, biyeteeɗo Steve Mahan ina jeyaa e konndirooɓe otooji Google jarribteeɗi ɗii. O jolii e oto hee, nawi mo to ñaamirdu fast-food, ɓennini mo to guppoowo comci makko, artiri mo galle makko, tawi o memaani hay gootol walaŋ mum, tawi kadi alaa fof oto goɗɗo mo o memondiri, walla ɗo o waasi ɗooftaade laabi dognugol oto. Ko neɗɗo gooto tan joldunoo e makko, ina heedi caggal, ngam reende, so woodii ko kewi ko fotaano.
So oɗon njogii internet, oɗon mbaawi yiyde Steve Mahan ɗo joli e oto hee ina nawa hoore mum e ndeeɗoo jokkorɗe : http ://dailygeekshow.com/2012/04/03/google-car-un-aveugle-teste-lavoiture-autonome/
Bookara Aamadu Bah
