To dental WhatsApp Goomu Fulo e Wiɗto (G.F.W.), en tawii toon peeje ganndal ɗemɗiyankaagal ballitooje yiytude firooji kelme e jiidigal hakkunde ɗemɗe. Ko ceerno mawɗo ine wiyee Abuubakri Njaay naatni toon ngaal ganndal. O wiyata alluwal majjum ko Paaborgal Kummba. En naamniima mo toon yo o mottan en heen helmere ÉCOLE (he Farayse) mbele omo yaltinana en firo mum he Pulaar ekn. Ko nii o gollorii ɗum :
HELMERE ÉCOLE
—————oOo—————
On koofnaama seernaaɓe tedduɓe.
École immii ko he latineere SCHOLA, (ko ɗoo engeleere heɓi SCHOOL).
* SCHOLA ina yiyee he mbaydi ESCHOLO, ko ɗoo keɓeten cammalal : H. S. K. L. Ko kanngal hollata en baɗal latineere
AUSCULTARE.
* AUSCULTARE, ko ɗoo farayseere itti baɗal ausculter et baɗal ESCOUTER.
ESCOUTER wonti ÉCOUTER. Ko ɗum waɗi so en mbiyii :
“ Le médecin ausculte le patient.”
“ Le médecin écoute le patient.”
Nannda to bannge hito e to bannge maanaa.
* Eschole, cammalal mum ko: H. S. K. L.
L = R = D = T ( T, R, L e T njiydi yaltirde)
H. S. K. L.
H. S. K. T. Ngal ɗoo cammalal hollata en baɗal ESCOUTER.
So alkulal S saaynaama (amuïssement), ESCHOLA wonta ÉCOLE.
So alkulal S saaynaama (amuïssement) , ESCOUTER wonta ÉCOUTE.
Ko ɗum waɗi, so en mbiyii:
“ Je suis à l’école du maitre Demba.”
“ Je suis à l’écoute du maitre Demba.”
Nannda to bannge hito e to bannge maanaa.
S = H = K.
L = ND ( laarde= ndaarde)
ND = D.
H. S. K. L wonta
H. K. K. D. : Ngal ɗoo cammalal hollata en baɗal pulaar EKKAADE.
Hakkunde école e ekkaade ko jokkondiral e takkondiral woni ɗoon.
École ko nokku ekkordu.
K = T (K e T njiydi sifa)
H. K. K. D. Wonta
H. T. T. D.
T = D = Ɗ.
H. T. T. D. Wonta
H. Ɗ. T. D. Ngal ɗoo cammalal hollata en baɗal pulaar HEƊTAADE.
Hakkunde ekkaade e heɗtaade, ko jokkondiral e takkondiral woni ɗoon.
“ Je suis à l’école du maitre Demba”.
“ Je suis à l’écoute du maitre Demba.”
Ngom-mi ko he ekkordu Ceerno Demmba.
Ngom-mi ko e hettaade Ceerno Demmba.
Ina wiyee latineere ko laytal baawngal yaynanaade en ɗemngal farayseere e ɗemɗe goɗɗe, kono noon e jaati, ɗemngal pulaar fooli, waawi, waptii latineere e gerekeere he yaynanaade en ɗemde keddiiɗe ɗee.
Pooye pelle pulaar kuɓɓii !
Woto doccote ŋakku !
Dental: G. F. W.
————–oOo—————-
Abbubakri Njaay
