Kanko Benasiir Buto, hade makko laamaade leydi Pakistaan, ɗamaawu ina mawnunoo wonde ma o sompu Lislaam jaajɗo, rewɓe ndim- ɗa e leydi he, ndaroo darnde moƴƴinoore. E hitaande 1992 o toɗɗaa yo o ardo leydi ndi ; nii woni, kanko woni beddo gadano gidiiɗo lamaade leydi juulɓe.
Kono caggal manndaaji ɗiɗi (duuɓi jeetati) eɗum boni Rari : ina wiyee wonde e laamɓe aduna ɓe, kanko fof ɓuri bonnude jawdi e wonde neɗ- ɗo njeenaari. O jibinaa ko Karashi ñalnde 21 suwee 1953. Baaba makko wiyetee ko Sulfikaar Aali Buto. O janngi ko Oksfoor (Oxford). O naatti Pakistaan ko e hitaande 1977 dumunna seeɗa ko adii nde Sia ɓul Hak ittata baaba makko e laamu. O sokaa.
Nde o woppitaa, o daayi. O arti leydi makko ko 1986 ngam ardaade luulndo. Sia wul Hak sankii e aksidaa abiyoR ñalnde 17 ut 1988. Ñalnde 1 desammbar 1988, parti makko (mo baaba makko sosnoo) hawi woote depiteeji : nii woni Benasiir arditii Pakistaan, woni debbo gadano laamiiɗo leydi juulɓe.
Ɗum addani wiyeteeɓe Islaamiste en, ɓe nganndu-ɗaa ina ndoolni e leydi he, naatde fitina. Libi laamu makko ko biyeteeɗo Ghulam Ishak Kan e hitaande 1990. Hujja maɓɓe ko o jeenaaɗo. Ɗum haɗɗani mo heɓtude laamu e hitaande 1993 haa e hitaande 1996 nde lislaamiyankooɓe asliyankooɓe pooli mo e woote.
E hitaande 1999, tawi omo mooloyii to Angalteer e to Emiraaji ñaawaa kasoo sabu njeenaari. E lewru settammbar 2007, laamɗo leydi ndi, biyeteeɗo Mushaaraf yaafii mo. Nii woni o felliti artude leydi makko. Ñalnde 18 oktoobar 2007, ko ina abboo e 250 000 neɗɗo njaɓɓii mo to kanndaa. Nde tawnoo, lislaamiyankooɓe ko huninooɓe maa mbaɗ bonannde so o naattii leydi ndi, ko ina abboo e 20 000 polisiyee caraa ngam reende. Kono ɗum haɗaani bommbo tuufanooɗo e oto kalitde e maɓɓe, wari ko ina abboo e 130 neɗɗo, gaañi ko ina wona 500. Benasiir daɗii ɗo, hay dara heɓaani mo. Artiri mo ko yiɗde ɗowde parti makko, hono PPP e woote depiteeji e lewru saawiyee.
Hol ko addani Mushaaraf yaafaade Benasiir? Hol ko addani Benasiir heptinde Mushaaraf?
Ina wiyee ko Amerik rewi ɗoon: ɓe njiɗaa ndiiɗoo leydi juulɓe, ngootiri njogitiindi bomb atomik naata e jiiɓru, tee aɓe kuli lislaamiyankooɓe. Nde felliti artude nde o wiyiino : «e ooɗoo sahaa mi hulaani maayde», «ma mi hoot sibu miɗo anndi ko jam tan ronata ɗum». Kono won ɗo o wiynoo «ina waawi ɓe etoo warde mi. Ɓesngu am e yiɗɓe am kala ina keblanii ɗum”. Firti ko omo ɗaminii heen fof.
