Warnooɓe Patiris Lumummbaa ina ñaawee ?
Hay mo yiyaani mo, nanii mo. Maa wonii e rajooji, maa wonii e teleeji. Kono, eɗen cikki tan, darjini mo e nder renndo Fulɓe, ko jimol Mammadu Sammba Joop (Murtudo) biyeteengol « jaambareeɓe men ». Ko e ngool jimol ngol Aamadu Saar yaltintunoo e Rajo Muritani heewɓe nani ko nanndi e Gamaal Abdel Naseer en, Amilkaar Kabraal en e woɗɓe e woɗɓe haɓantenooɓe ndimaagu Afrik. Hol ko tagi en haalde haala makko jooni ?
Addani en haalde mo jooni, ko wiyeede maa laamu Belsik ummano laaɓtitinde warngo makko. Ɗum woni waɗde wiɗto ngam anndude hol warnooɓе mo. Ina jeyaa e ko ubbiti haala, jaltugol e hitaande 2000, deftere ganndo gooto (Belsiknaajo), hono Ludo de Witte, deftere tiitoriinde « L’assassinat ɗe Lumumba« . Ina sikkaa ko laamu Belsik wari Patris Lumummbaa. Wonande ɓe nganndaano walla yejjitɓe, Patris Emeri Lumummbaa waraa ko ñalnde 17 saawiyee 1961 to Katannga. Ko kanko idii ardaade leydi Konngoo mbiyeteendi hannde Ndenndaandi Demokaraasi Konngo, leydi Mobutu e Kabilaa en…
Yidde wiyde warooɓe yimɓe e waɗooɓe bonanndeeji tan, ɓooy juuɗe fof, ko e yeeso ñaawoore ɓe mbattinta. Ɗum noon, mo waawi fof yo waɗ ko moƴƴi, so waawaa waɗde ko moƴƴi kam, yo reeno waɗde ko boni. Yidde wiyde ɓeen yoobinooɓe piɗtaali “ koyngal e leydi, mboddi e leydi, pottaani hikka, potta mo wuuri ”.
