Ɗeɓi wayde tan ko no wiyde “ fewjude ina firta laabi keewɗi, heewaani yuumtude e feere moyyere » nii. Annduɓe haalɓe ɗum ɓее kolliti ko mbaawka men ƴettugol peeje won ɗo haaɗi. Ɗum ina teskee e ngurrnɗam ñalnde kala, ɗo mawɗo dowla walla gardiiɗo gollordu walla seneraal konu, walla enen fof no ƴettirten, heen sahaaji, peeje kaangaaɗe, walla ndoŋken fellitde huunde.
So peeje keewii, hakkille neɗɗo tampat. So o tampii omo waawi fooftoraade peeje ɗiɗi : fellitde huunde tawa ardinaani miijo, walla salaade fellitde hay dara.
Ɓe mbiyi kadi, kamɓe annduɓe ɓee, wonde semmbe hakkille neɗɗo jogii, jaggoowo ɗum oo, woni gaddanoowo ɗum “ waawde jeyde hoore mum ” oo, oon semmbe won ɗo haaɗi. Kattanɗe fellitde huunde ko semmbe goodɗo, ɓetotooɗo, baawɗo gasde haa laaɓa, no tergal neɗɗo tampirta nii. Ɗum noon, nde yettu-ɗaa feere fof, semmbe oo ina ustoo.
Ndeke, feere moƴƴere fawaaki e oo walla oya, ɗum woni alaa waawɓe wiyeede ko ƴettooɓe peeje moƴƴe tan e woɗɓe wiyeteeɓe ko yettooɓe peeje bonɗe tan, alaa ! Fof fawii tan ko e ngonka hakkille neɗɗo nde ƴettata feere ndee. Hay yimɓe ɓurɓe anndireede yuumteende hakkillaaji, mbaawaa sakkitde peeje moƴƴe so pooftaaki. Ɗum noon ɓurata yuumtude peeje, ko neɗɗo gannduɗo hol nde fotaani hoolaaɗe hoore mum. Feere moƴƴere heewi yuumtude, ina hasii, ko e sahaa mo ƴettuɗo ɗum oo ummii e fooftere.
