Ñalnde 05/09/2013, kewu mawngu waɗii to Sahre Ndoogu e tawtoregol hoohooɓe heewɓe ummoriiɓe e jookli kala. Oon kewu ko piilngal jaaltaaɓe Mboon. Filaa lefol ngol ko biyeteeɗo Umar Aamadu Mbooc. Jaaltaaɓe keso oo ina yahra e duuɓi 81, sibu o jibinaa ko e hitaande 1932 to Ŋorel. Kono, o hoɗi ko Sahre Ndoogu, ko ɗoon kadi o jeyaa. To bannge golle ko o jeeyeewo (komersa) ganndaaɗo e nokku hee. Umar Aamadu Mbooc lomtii e ndee tiitoonde ko Abuu Mammadu Mbooc, cankiiɗo gila 19 suwee 2009 ɗo Sahre Ndoogu ɗoo. To bannge mbaaka, Jaaltaaɓe Mboon e Jaagaraf Mboon, e Elimaan Mboon jiildata geɗe leydi ndema, jeeri e waalo fof, gila e keeri haa e tiwaaɗe ekn.
- Advertisment -