Feere 1 : Bikarbonaat
Bikarbonaat jeyaa e geɗe ɗe Alla rokki en keewɗe nafoore. Ina jeyaa heen, waawde renwinde ñiiƴe. Aɗa waawi huutoraade ɗum ñalnde kala so aɗa socca ñiiye maa. A yettat bikarbonaat seeɗa, pawaa e dow boros hee, coccoro-ɗaa. Kono hoto nawdu ɗum e dantifiris gooto, so wonaa ɗum ina waawi ɓurtude : ko heen gooto tan kuutorto-ɗaa.
Feere 1 : Limon (Sitron)
Feere ɗiɗmere ndee ko limon (sitron) : kamne ina anndiraa waawde ranwinde ñiiye oolɗunooɗe baɗɗe pate pate. Ina moƴƴi kadi e henndu hunuko. Limon oo, sabu mum heewde witaamin C, ina moƴƴi kadi e ɗakkudi, sibu ina tekkina ɗum, sellina ɗum. A ɓiɗat limon oo, lawƴiraa dihal kal ñiiƴe maa. Mbaɗaa boros, cocciraa ñiiye maa seese-seese, hade maa wufƴoraade ndiyam. Aɗa waawi waɗde ɗum laabi ɗiɗi e yontere kala, hoto ɓur ɗoon. So a ɓurtinii, niiƴe mon ina mbaawi ñaamtaade sibu limon ina heewi asid. So on mbelaama oɗon mbaawi jillondirde limon e bikarbonaat : 75 garaam bikarbonaat e feccere limon. Ndenndinaa ɗum, coccoro-ɗaa ɗum subaka fof, fotde yontere, eɗum ranwina ñiiye.
Feere 3, feere haawniinde : yulɓe leɗɗe
Yulɓe ina kuutortenoo ko ɓooyi to Inndo ngam ranwinde ñiiye. Hoto paayee, ɗum alaa tanaa e cellal mon. A unat ɗe haa ɗe digga. Ƴettaa seeɗa e conndi ndii, pullaa e boros (coccorgal) maa. A soklaani waɗɗude heen dantifiris. So a welaama kadi aɗa waawi ɓeydude heen diyal limon seeɗa, walla ndiyam ɓolam, mbela ina modda seeɗa, weeɓa huutoraade. Hoto diw laabi ɗiɗi e yontere.
Feere 4 : feewnan hoore maa dantifiris feere woɗnde, nayaɓere dañde ñiiye daneeje. Suuw boros maa (walla coccorgal maa) e hollalde haako ñebbe walla bikarbonaat. Ɓeydaa heen toɓɓere ndiyam limon walla manndariin. Laabi ɗiɗi yontere kala ina yona.
