Ñalnde altine 19 settaambar, Dental Jaayɗe Muritani hono ko wiyetee e Farayse ‘Regroupement ɗe la Presse Mauritanienne (RPM)’ yuɓɓinii ñalawma gostondiral miijooji ko fayti e “ kabrugol e hare luulndiinde ownugolol ”. Tawtoranoo ñalngu nguu ko jaaynooɓe Muritaninaaɓe kam e jagge (ofiseeji) konu ngenndi. Ɓe njeewtii e ɗee ɗoo toɓɓе пay (4) :
- Hol no kabrugol moƴƴol ko fayti e ownugol foti siforaade ?
- Hol ko fotaani saakteede ? Hol sabaabu ?
- Hol ɗo kabaruuji poti ƴoogeede ?
- Hol no jaaynde yahdinirta hakke kabrugol e sirru konu (woni habrude tawa saaktaani sirruuji konu) ?
Caggal nde miijooji cakkitaa e ɗee ɗoo toɓɓe kala, yeewtere udditaa hakkunde jaaynooɓe ɓee e jagge konu ɗee. Caggal ngaal gostondiral miijooji, ɓe kawrii waasde taƴondirde hankadi, mbele jaaynooɓe ɓee ina ɓeydoo humpitaade geɗe konu. Konu nguu ne ɗaɓɓiraama nde udditantoo jaayɗe, rokka ɗum kabaruuji katojinaaɗi law, haa teeŋti noon e sahaaji kare. Ina tawtoraa udditgol ñalawma оо halifaaɓe geɗe nder leydi kam e ndeenka e kumpital.
Bookara Aamadu Bah
