Doktoreeɓe opitooji jaaɓi-haaɗtirde to Jeneef (Genève) caaktii ko ɓooyaani koo njeñtudi wiɗtooji ɗiɗi, kollitooji wonde ko ɓuri heewde e sukaaɓe Afirik worgo saharaa, ine coomi he ɓalli mum en mborosaaji tulaaɗi safaara warmboroso (antibiotik). Keewal ɗiin mborosaaji ɗi kiin lekki natti waawande ine hulɓinii no feewi. Saabii ɗum ko ɗiin mborosaaji ngoowtii ɗeen leɗɗe sibu huutoreede haa ɓurti. Ɓeydi faayre ndee noon, ko ɓuri heewde e maayɗeele sukaaɓe he ɗiin nokkuuji Afirik worgo saharaa, sabotoo ɗum en ko ɗiin mborosaaji baɗtuɗi tulde. Wasiya kaanɗo waɗeede ko wiyde yimɓe yo kakindo he kala ko ine mbaɗa.
