Fedde Ɓamtaare Pulaar he Muritani ine duwanoo banndiraaɓe Sahre Ndoogu e Ɓoggee sabu sankaare Alasan Mammadu Daawuuda Baro ñalnde aset 24 abril 2021 to Nuwaasoot. Kanko Alasan Mammadu Baro wonnoo Ceerno Barooɓe noogaas e tataɓo (23e) , hono lefol aada ngol o filanoo ñalnde 3 desaambar 2017 to nokku ine wiyee Tulel Barooɓe, nokku keedɗo bannge hirnaange worgo wuro makko Sahre Ndoogu. Alasan jeyaa ko jagge Muritani gadane. O woniino Diisneteeɗo to jaagordu Geɗe tumaronkeeje e jokkindiral hakkunde leyɗeele, haa e hitaande 1992, nde o ƴefti fooftere. Ko o ganndo, kumpitiiɗo Diine Lislaam, nangtiiɗo e iwdi mum e pinal mum e renndo mum. Alasan Mammadu Baro jeyaa ko he mawɓe leñol ngol anndiraaɓe he nder Fedde Ɓamtaare he Muritani, wonde goongɗinɗo paandaale mum sibu balle makko keewɗe faayiida feewde he Fedde hee, kanko e ɓesngu makko kala.
Yo Alla yurmo mo yaafoo mo, yo Alla haarnu mo aljanna. Aamiin
