Ñalnde alkamiisa 20 saawiyee 2011, Fedde Ɓamtaare Pulaar e Muritani heɓii ballal ummoraade e Fedde wiyeteende “ Solidarité et Education en Afrique ”. Ardii ndeen Fedde ko gooto e ɓiɗɓe yummiraaɓe men taccinanooɗo, gonɗo hannde to leydi Farayse, ine wiyee Ibraahiima Jaawanndo Njiim. Ko kanko kadi jeyi sabaabu ballal ngal. Ballal ngal ko ordinateeruuji ɗiɗi e ko yahdata e mum en. Ɗum ɗoon maa wallit Fedde nde no feewi gila e jaaynde Fooyre Ɓamtaare haa e jiilgol lowre mum internet haa e binnditagol defte e kisnugol duttorɗe (defte, jeewte ekn…). Fedde maɓɓe nde, hono SEA, wonaa ngoIɗoo laawol fuɗɗii rokkude balle : hono oo ɗoo sahaa rawane, nde addanii Liisee Ngenndi (Lycée National) mo Nuwaasoot, kam e Sukaaɓe leegal 5ɓal e Meeri Rooso kaɓirɗe e defte jonɗe. Ko noon kadi, golle fedde nde ceedtini to Senegaal e to Mali.
Alaa ko heddanii enen so wonaa duwanaa ɗe Fedde nde e terɗe mum kala balɗe juuɗe e battane moƴƴe. Kala jiɗɗo yellitaade e Fedde nde (payndaale mum e golle mum) ina waawi yahde ɗoo : http ://www.sea.asso.fr
Bookara Aamadu Bah
