Huunde fof ko gundo ɓuri haaɓnaade laamu so a ardiima ɗum wiya aɗa diwna teŋke mum so a sawndiima ɗum wiya aɗa fompoo ɗum so a heedtii caggal mum wiya aɗa yaɓɓa laaci mum. Hol fof no gundo daɗortoo? Hannde so en ceggii laamu Abdullay ɓadda ala ko seerndi ɗum e laamu gundo sabu o riiwiino Idiriisa Sek o wiyi ina ɓama jappeere makko ko jiydaani kay e hare kopporeeje jiiɓiiɗe hakkunde maɓɓe. Makki Sal o wiyi anndaa ko yiɗi ko neɗɗo jam-yamo haa ɓurti alaa ittu alaa e waɗtu. Jooni noon hol no ɓaddel daɗortoo? Kural ngal woorotaama noon teɗɗin reedu maa yana gootol pooftaa. Hannde cokki ɗii ina njiɓii no feewi caggal nde wiyaa Abdullaay ɓadda ko ɓiyi mum woni e fettan’de laawol laamu.
Ɗee balɗe fof kadi ñuumbetee ko Idiriis Sek ina arta e galle baaba hono lannda Pds oo. Mbele o waawa rontude laamu ngu yumman-kuule (constitution o0) maa waylee wona mosol keɓtugol laamu. Teskaama yumman-kuule walla kuule ngenddi ɗee waylaama e nde Ps woni e laamu laabi 17 tuggi hitaande 1963 haa hitaande2000. Kono e duuɓi 7 ko Pds heɓi laamu e hannde kuule ɗee mbaylaa laabi 15. Hare Abdullaay ɓadda e terɗe Pds wonaa jooni fuɗɗii sabu ko Seriñ Joob adii fettude baafal tafi laanda mum ina wiyee Pds/r, caggal ko jeaa pool Jaas yalti tafi blog centriste gainde refti, Usmaan Ngoom ne yaltiino tafi lannda mum ina wiyee Pls ɓceen fof hannde Abdullay ɓadda artirii ɗumen nani ngolloo e laamu nguu hellee hay huunde meeɗaani waɗde hakkunde maɓɓe.Lannda Pds ko tuuba ngoota waddel duhii etee haali fof tekka oto roondoo buyel kon ko ɓakki kaaɓe koo woppataa gerte cahaaɗe.
Mammadu Lih (ñalnde 5/12/07)
