Samb Jabare Samb (Senegaal) sankii ko ñalnde 21 settaambar 2019 ndee. Balɗe joy (5) pawtii heen, Siddaati wul Abba, woni ñalnde 26/09/2019 sankii to Nuwaasoot. Kamɓe ɗiɗo kala, Alla muñanii ɓe ko juuti (en njettii Joom baawɗe) sibu ɓe nguuri ko ɓuri duuɓi capanɗe jeenay (90). Kamɓe ɗiɗo kala ko ɓe naalankooɓe ɓe daraja mum diwti keeri leyɗe mum en. Ko ɓe hoɗooɓe ŋanaa, yimooɓe ŋanaa, ittooɓe renndo yeeweende… Yo Alla yurmo ɓe yaafoo ɓe.
Sidaati wul Abba sankiima
Siddaati wul Abba, jimoowo ŋanaa, baaba mum Dimmi (yo Alla yurmo mo) e Garmi, sankiima ñalnde alkamiisa 26 noowammbar 2019, ina yahra e duuɓi 90. Siddaati wul Abba jeyaa ko e galleeji awluɓe safalɓe ɓurɗi mawnude, kanko e hoore makko o jeyaa ko yimooɓe ɓurɓe waawde e lollude e nder leydi ndii. Ɓiɓɓe makko Dimi mintu Abba cankiiɗo e lewru suweŋ 2011 kam e Garmi mintu Abba, njeyaa kam enne ko e yimooɓe ɓurɓe horsineede e Muritani.
Fooyre Ɓamtaare ina duwanoo ɓesngu makko e ɓesngu Muritani e kuuɓal mum sabu ngaloo baasal mawngal. Yo Alla yurmo mo, yaafoo mo, haarna mo Aljanna.
