Wonaa fettooɓe bal tan keewi kaalis, hay sippirteeɓe kay. Yeru to Senegaal. Yeru, e kommbaa maɓɓe ɓennuɗo oo, Yekini heɓii 120 miliyoŋ Seefaa, Balla Gey heɓii 150 miliyoŋ. Ɗuum ko e hojomaaji joy sippiro fat ! Kommbaaji keddiiɗi ɗii ne ngoɗɗaani ɗoon. Haa ko yimɓe mbaɗtii sikkitaade iwdi oo ɗoo kaalis. Ɓeydi ɗum ko hay gooto anndaa to уоɓооɓе ɗii kommbaaji keɓata kaalisaaji mum en ɗii.
Ко ɗum addani depitee biyeteeɗo El Hajji Juuf wiyde : “ ɓayri ko sippiro woni kewu men coftal ɓalli ɓurɗo horsude, alaa sago geɗe ɗee laɓɓinee, anndee no kommbaaji ɗii piɓirtee, iwdi kaalis baɗeteeɗo heen oo anndee. Miliyonaaji potɗi nii heewde wonande hojomaaji ɗiɗi kommbaa wonaa laawol. E miijo am ɗum wonaa huunde moƴƴere, wonaa huunde nuunɗunde, ko ɗum tagi parlemaa ina foti wiɗtude ɗum ”.
Heewɓe ina kuli yo a taw sippiro wontaani nokku laɓɓinirɗo kaalisaaji tunwuɗi. Ina wiyee nii Interpool ariino sunnaade ɗum e hitaande ndee ɗoo.
