Tagofeere ina yiytaa e nder kammu, tawi alaa ko woni e mum so wonaa haayre wiyeteende jamaa ndee. Mawneeki mayre ina sowoo laabi joy leydi men ndii. Huunde haawniinde ! Ndee tagofeere noon ina woɗɗi en no feewi, sibu hakkune men e mayre ko 4 000 hitaande annoore, woni fotde 7 569 miliyaar kiloomeeteer.
Ɗum noon summbatnooɓe fof yo njantin, sibu hay gooto waawaa yettaade toon. Yanti heen, fooɗo mayre ina ŋeeri haa ɓurti, laaɓii 252 fooɗo leydi men ndii, ɗum noon, so neɗɗo dariima e dow mayre, nde moññat ɗum haa moññoo.
