Tuggude 11/12/2009 ko ngartu-mi e leydi ndii hay tonngooɗe wootere daɗaani mi, fof mi heɓii, mi janngii, mi faamii. Ko weltaare timmunde e coftal e welemma keɓ-mi heen. Go’o to katantaagal goomu jaaynde njiy-mi heen. Ɗidi, jogaade ɓe njoorto moƴƴo sooynannde woɗɗunde. Teskuya to ŋakkeende : Go’o : famɗude dille njanngu ɗemngal ngal e leydi hee ko wayi no nguurndam cate e peŋɗe e duɗe e nder leydi ndii, yeru hono no catal Likseyba. To bannge ɓeydugol jaaynde ndee rokkii kam cuusal haalde goytaali am, sabu nde hakkeeji amen keewɗi jaɓɓaaɗi. Yo Alla sellin, semmbina hatanteeɓe ɗemngal pulaar. Yo Alla yottin paandaale men e leñol ngol, yo Alla rokku en yiyde jam, nande jam, waɗde jam, waɗeede jam.
Yo jam artu
Ngaameela men yo nattu
Golle men yo ɓurtu
Annduɓe men yo mbiɗtu
Ganndal men yo lottu
Peeje men yo pottu
Luural e men yo nattu
Kalifaandi e men yo hittu
Geƴƴelle halfooɓe yo ɗemɗe
ndottu
Ɗemngal men no wiro yo biɗɓe men mottu
Majjere yo ganndal men fittu
Añɓe men yo attu
Hakkunde men e maɓɓe yo men
Ko juuti fokke ɓe yanooɓe ngattu
Poolgu ɓooyataa, maa en ƴettu
So en caaŋaani maa jam artu
