Wonnoo ɗoo, ko mbaroodi e fowru e rawaandu.
Ɓe ndenndi ngaari e mbeewa e bortel. Mbaroodi wiyi : « Rawaandu, haadi ko aan woni cukalel, feccan en. » Rawaandu wiyi : « Ɗum kay feccii hoore mum : haadi ko aan woni mawɗo, naw ngaari ndii, Fowru nawa mbeewa baa, miin, mi nawa bortel ngel. »
Ndeke mbaroodi welaaka ɗuum : woni e mum, ko nawde fof. Tan mbaroodi fiyi takkere mum e reedu rawaandu : tetekki rawaandu njalti. Rawaandu maayi siiñi ñiiƴe ! Mbaroodi wiyi : « Fowru, feccan en. »
Fowru huli, ndu wiyi : « Ɗum kay feccii hoore mum : a hiirtoto ngaari ndii, kacito-ɗaa mbeewa baa, ngotto-ɗaa bortel ngel. » Mbaroodi jali wiyi : « Hol mo janngin maa ndeeɗoo feccere ? » Fowru wiyi : « Janngini mi ndeeɗoo feccere, ko siiñdu ñiiƴe nduu ! »
