Ko Pulaar wi’yi : “ Nelal ko donngal teddungal, ɗoon ɗo a joɗtinaani ngal a rootaaki ngal. Ɗuum firti ko a seertaani e ndiin teddeendi ”.
Tiitoonde tinndol ngol ko : Miin noon ko Pulaar neli mi he koyɗol, faade he leñol mum dimɗungol teddungol Fulɓe. » Pulaar wiyi eehey mon leñol am ! Ngaree ndiidee kam he kaaƴe e ɗereeji geese (internet) yontii ko e saanga mum wonaa !..
Miin Pulaar miɗo ko ɓuri heewde he leñol am diidi kam tan ko he ndoondi e ceenal daatkal. Kono hannde e oo ɗoo (jamaanu) mbo ngon-ɗen, sinno ko sago am, ko yo leñol am ngol diid am he kaaƴe e ɗereeji geese (internet) ko ɗuum joli he oo jamaanu…
Ina newanii ɓeen diidooɓe mi he dow ndoondi walla ceenal, kono kala nde henndu dawi walla toɓо tоɓі ко ɓe ndiidunoo e am koo fof momtoto : (ɗum firti ko : haalooɓe pulaar tan ɓe tawa njiyataa binndi maggal) Ina saɗtani ɓeen diidooɓe mi he dow kaaƴe e ɗereeji internet, kono hay so henndu dawii walla toɓo toɓii yaawataa momtaade. (ɗum firti ko winndooɓe binndi pulaar e janngooɓe kadi ina kaala ɗemngal Pulaar).
On njaaraama leñol am Fulɓe, yo Geno wuurtu on e kala ko ina ɓamta mi, miin Pulaar toowɗo oo, aamiin yaa barke ko soomii he ndee tagofeere ! »
Miin B.S.T mi rootiima ngal donngal teddungal.
