Mawɓe fof ngumii alla e nguleeki baasuuji, jangde sukaaɓe bonii, tee ɓe ndonkii winnditaade, ko wuurdaa woodaani sibu leyɗeele e jawdi tottitaaka, heewbe nimsii ko artirnoo ɗum en…
Muritaninaaɓe moolinooɓe to Senegaal e artiranooɓe e Muritani e doge cakkitiiɗe e nder sebbet 2011 haa 2012. Ɓee ɗoo yimɓe ina nguuri e caɗeele teeŋtuɗe hannde. Kamɓe artuɓe e leydi mum en ɓее, ko ɓe waɗtaaɓe tumarankooɓe e gure ɗe ɓe njeyanooka.
E diiwaan Gorgol, haa teeŋti e falnde Magaama, yeru e tuddunde (sit) Jeybaaba wuro Dooro e to tuddunde Fimmbo.А ɓе кеɓі caɗeele e sifaaji keewɗi haa teeŋti noon e ɗii ɗoo sifaaji ɗiɗi teeŋtudí :
1. Artiraaɓe e nokkuuji goɗɗi ɗi ɓe njeyaaka e mum en ;
2. Yantineede e situuji gartuɗi ko adii. Yoga e balle keɓnoo won heen geɗe nattuɗe woodde. Yeru : bitikaaji njeeygu sewo-sewo ; Masinaaji unooji gawri ; saretaaji bamɗı yoogiraaɗi ndiyam ; caaleeje batirɗe ; kaalisaaji balle gollirteeɗi. Ɗee balle limtaaɗe won heen nattuɗe woodde. Won heen ko ustiiɗe, jaastuɗe no potnoo nii. Won heen cosanaaɗe juggule, goɗɗo naattude heen weebaani. Ɗee ɗoo cugge fof njantondiri e wonde tumaranke e gure ɗe ɓe meeɗaani hoɗde. Maa ɗum wonan ɓe caɗeele jaɓɓiiɓe ɗe ɓe gila e tillisaaji maɓɓe ina peŋee.
Muusaa Mammadu, lollirɗo coftuɗo Bah
to Jeybaaba wuro Dooro.
