Wejo finaatawa egga-hodaaɓe to Burkinaa yuɓɓinaama tuggi 11 sulyee haa 28 sulyee to Galle pinal Farayse “Georges Méliès ” to Wagadugu. Geɗe pinal Fulɓe Burkinaa keewɗe ina kollitaa heen. Ma en Ngartoy e kollitgol golle ɗee (e nder Fulfulde Burkinaa). Naatirde ngool kollitgol golle ko nii lelorii :
Ɗum wonii duuɓi tati kawrital rewɓe e worɓe Association Culture et Developpement Agropastoral (ACTDAP/Weltaare) na darani jaaral yeeso finaatawa egga-hoɗaaɓe ley Burkina Faso. Golle ngal kawrital na haandi mballa Duuɗal egga-hoɗaaɓe ley Burkina Faso (11% yimɓe leydi) e ko ɓuri hewde faro soɓiire leydi hadaay finaatawa maɓɓe majjeede. Kawrital ngal wallitan egga- hodaaɓe no jeytirta finaatawa muɓɓen. Faa hannden du, ngal hollitan heddiiɓe du, finataawa fulɓe. Golle kawrital (ACTDAP) ɓeydan semmbe yillondiral yimɓe Burkina fa e njillondiral finatawaaji maɓɓe. Ɗum saaboto jam e bantaare ley leydi Burkina.
Haamiidu Jallo, Taarikinke Directeur Général des Archives Nationales du Burkina Faso (Jiyloowo kuftodindo duttorɗe Ngenndiyankooje Burkina) Ma en ngartoy heen e tonngoode aroore, so Alla jaɓii.
