E wiyde e World Meteorological Organization (WMO), hono Fedde Huuɓtodinnde Kaaƴweeyowal, hitaande 2025 ndee jeyaa ko e kitaale ɓurɗe wulde ɗe aduna oo meeɗi wuurde. Kaa haala tuugii ko ɓeto nguleeki ƴettaango. Hakingo ngoon ɓeto e winndere ndee ɓurii +1,42 C° ko adii yonta mbaylaandi. Saabii ndee teeɗannde hulɓiniinde ko gukkitte ɓurtuɗe cuurdi ƴulɓiri (Gaz carbonique), e ɓeydagol nguli maaje.
Ine jeyaa e baɗte majjum guttugol guubiliiji doolnuɗi, e yoorooji juutɗi, e ƴergol dewondirngol diɗɗe maaje. E miijo haralleeɓe, kaa ngonka ɓeydii caɗtugol ɗooftagol haaɗde he tolno nguli mo Nanondire Pari dottunoo oo, so +1,5° C.
KO foti teskeede : Mbayliigu ngonka weeyo naatii wonde tanaa cooynaaɗo, kono ko huunde wuuraande hannde, hatojinnde e lelnugol peeje keñoraaɗe goownirɗe kam e kumpital paamningal yimɓe ɓee ?
Bookara Aamadu Bah
