Diiso Sarɗinoowo bayyinii doggol joɗɗinɓe kaayitaaji mum en ngam yiɗde tawtoreede woote gardagol leydi ndi ñalnde 11 marse 2007. Ko kanndidaa 20 njoɗɗini doosiyeeji mum en. Heddii ko haa Diiso ngo sunnoo ɗi ngam anndude holi heen waawɓe wonde e hol heen ɓe mbaawaa wonde kanndidaaji. ɓon wiyɓe ɗum na heewi no feewi, sibu Muritani no diidorinoo ko seeɗa ɓuri miliyoŋ gootoowo. Walla tawa waɗi ɗum ko ngol woni go’o ko yimɓe ɗaminii maa woote ɗe laaɓ : gooto fof (walla wonande heen huunde) ina yiɗi horde doole mum walla hollitde miijooji mum.
Eɗen njaakorii tan ma ɗum wonan ɓiyɓe leydi ndi fartaRRe suɓaade neɗɗo mo koolii, mo nganndi ina waawi ñawndande ɗum en caɗeele mum en : neɗɗo mo nganndu-ɗaa waɗataa heedi heeda (potndoowo) ɓiyɓe leydi kala, laamɗo jurmotooɗo ɓengu mum, baɗoowo feere haa moni kala heɓa hakke mum e ngalu leydi ndi. Laamɗo darantooɗo mahde dowla tuugiiɗo e sariyya, tawa miskineeɓe ɓuraaɓe doole ina njogii ɗo ngullitii so hakkeeji mum en njaɓɓaama. Laamɗo cafroowo ñawan- ɗe hakkunde ɓiyɓe leydi ndi mbele ina mbaawaa wuurdude e nder goonga e wellemma, leydi Muritani ƴ ellitoo toowa. Ndeen noon, ndeento-ɗen kala ko ina ruttina en e ko woodnoo ko, sibu eɗen kumpitii ɗum no feewi.
Jooni kay yo Alla wallu en e ardiiɓe goonganteeɓe, feertuɓe, ɓe njiylaaki tan nafooje mum en keeriiɗe. O dannda en e ɓeen forlatnooɓe ngalu leydi, tabitinnooɓe ceerndugol leƴ ƴ i e kinɗe e diiwanuuji, feccuɓe gure e teheeɗe, mbuɓɓondiri ɓiyɓe yumma sabu politik hooram hooram. ƴ o Alla wallu en (mballen koye men) e laamɗo compoowo Aduna moƴƴo, sibu fulɓe mbiyi : » Aduna moƴƴo, ɓuri neɗɗo moƴƴo « , nde tawnoo neɗɗo moƴƴo waawi moƴƴude tan k oɓe heedi ɓe, Aduna moƴƴo noon ko nafoore huftodinnde.
Ina wayi ko ɓeeɗoo njiɗi wonde kandidaaji :
- Seyn wul Seydaan jaambuuro
- Sidi Md wul Seek Abdallaahi jaambuuro
- Mullaay el Hasen wul Jeyid PMRC
- Muhammed wul Mawluud UFP
- Dahaan wul Ahmed Mahmuud jaambuuro
- Ahmed wul Daddaa RFD
- Md Ahmed Baaba Ahmed Salihi jaambuuro
- Md Kuuna Haidalla jaambuuro
- Iselmu Mustafaa PCD
- Md Seeknaa jaambuuro
- Masauud Bulkayri APP
- Saaleh Md Hameddu Hananna Hatem
- Md Md Muttaar Towmi jaambuuro
- Bah Mammadu Alasan PLEJ
- Raasel (Rasiid Mustafaa) jaambuuro
- Md Gulaam Siddaati jaambuuro
- Siidi Iselmu Md Ahiid jaambuuro
- Etmaan Seek Ahmed Ebi Al Maali jaambuuro
- Ibraahima Muttaar Saar jaambuuro
- Sibih Seek Malayniin FP
