Wonaa Wiagraa (Viagra) tan safrata caɗeele ngoraagu. Feere woɗnde ina woodi ɓurnde newaade, weeɓnde coodgu. Holi ndeen ? Ko nattude jaawinde (simmaade). Ko wiɗtooɓe (annduɓe) kadi kaali ɗum, caggal nde koolkisii ɗum. Ɓe teskiima wonde worɓe nattooɓe jaawinde, ina teskoo ɗoon ɗoon ɓeydagol ngoraagu mum en. Kono so ɓe yettitii simme tan, ngu ustoto. Annduɓe jarribiiɓe ɗuum ɓee, ƴettunoo ko 65 yarlitiiɓe. Heen 12 noon wonde keɓtiniino meeɗii maayreede. Kamɓe fof ɓe kadaa simmaade fotde lebbi ɗiɗi, caggal ɗum ngoraagu maɓɓе ɓetaa (ɓetiraa kabirgal biyeteengal pléthysmographe). Wonande yimɓe 20 ɓe ƴettitaano simme ɓee, ɓe teskiima ɓeydagol teskinngol ngoraagu mum en. Wonande heddiiɓе ɓee, alaa ko waylii. Ina anndanoo ko ɓooyi simme moƴƴaani e ngoraagu, sabu geɗel gonngel e mum biyeteengel nikotin (Nicotine) ngel, jogingel baɗte ɗe moƴƴaani e ɗaɗi ƴiiƴam ɓernde haa e ɗaɗi ƴiiƴam cеɓɓitte neɗɗo.
Wigraa :
Wiagraa yiytaa ko e hitaande 1992. Yiyti ɗum ko annduɓe gollotooɓe e sosiyatee biyeteeɗo “Pfizer ”. Ɓe ngonnoo ko e hoolkisaade safaara ɗaɗi ɓernde. Ɓe tawi geɗel ɓe ƴeewndotonoo ngel (Sildenafil wiyetee), alaa baɗte goote njogii e ɓernde kam e ƴero ɗaɗi ƴiiƴam. Kono, ko ɓuri heewde e worɓe tottenooɓe ɗum ɓee, calii (Kanhanɓę ɓee) tottitde poɗɗe ɗee (poɗɗe Sildenafil ɗee). Nde ɓе mbitti, ɓe njiyti sirru kaɗatnooɗо Jaljalɓe ɓee tottitde kaake janane ɗee : sirru oo, ko ɗum ina wallittunoo ngoraagu mabɓе. Nii woni ɓe inniri nde Wiagraa, nde waɗti huutoreede e safaara ngoraagu.
