« Seeɗa alaa, ko barke woodi »
Mbiɗo yiɗi ɗo weddaade tan no annama konngiɗi tati : konngol gadanol, « ko seeɗa alaa, ko barke woodi! « , konngol [i[aɓol, « so doole ndonkii, yo doole keɓɓo! « , konngol tataɓol, « ndenten ɓuri ceerten ». Sikke alaa ɗii- ɗoo Konnguɗi fof, won ko coomi haa heewi, gasataa ɗooyene, ɗum tagi konngol heen fof mi jubba heen cetta. « Seeɗa alaa, ko barke woodi » :
Eɗen nganndi kay Fedde Ɓamtaare Pulaar dañii duuɓi capanɗe tati kono noon gila e duuɓi mum nay, joy, jeegom, sappo gadani, golle ɗee fof ngollaama. Alaa fof ɗo golle Fedde Ɓamtaare Pulaar nganndaaka. Gila ndeen ko ɗum reɓata haa e oo sahaa jooni. Ndeke eɗum waɗi barke. Konngol [i[aɓol : « so doole ndonkii, yo doole keɓɓo » : oɗon nganndi yoga e ɓeeɗoo wonɓe ɗo e ardorde nde, e wonɓe ɗo e nder saal o, heewɓe heen fotde duuɓi capan- ɗe tati, ko e jiilirɗe ɗe e nder goomuuji [i ngoni ina liggoo. Kono ko heewi heen ko yiɗde ɓuri heddude ɗum en ɗo kono wonaa softeende. Gila e dow hoyre am noon, gila e duuɓi 1977 wonde ɗooyene e peŋgal Madinaaji, 1988 wonde ɗo e catal Nuwaasoot, 1980 wonde ɗo e yiilirde Ngenndi, ruttaade kadi e ɗiiɗoo duuɓi wonde koroowo ngalu e yiilirde ngenndi, ɗum noon mbiɗo anndi won ko heewi ko waawaa yahdude. Ko yiɗde tan woni ɗoon!
Kono ɓur-mi yiɗde ko yo sukaaɓe ɓe ngar! Toɓɓere tataɓere : « ndenten ɓuri ceeren! » ko ngaree e kala ko eɗen ngolla, mbaɗen feere kawren e yuɓɓinde e dawru[i men [i e ko ngollaten koo fof, ndarano-ɗen pinal meeɗen ngal, ɗo mbaaw-ɗen tolnaade fof, so e nder galleeji men, so e nder partiiji, so e nder kala ɗo moni kala dillinta sabaabu, enen fof yo a taw eɗen kawri e miijo wooto, e hol no mba[irten haa pinal men ngal waawa yahde e laamu, tammbee heen, gollee heen, tawi laamu ngu ina waawa tammbaade ɗum, ina waawa golloraade jawɗeele jogaaɗe e doole jogaaɗe toon ɗe.
Ɗum noon mo woni e men kala ɗo tolnii, ɗo mbaaw-ɗen yahde e banngeeji goɗɗi fof en mbaawaa gaynude hay dara so wonaa enen e koye men pelliten, mbele pinal meeɗen ngal ina Yellitoo, mbaawen fooftirde, mbaawen neemaade e nder heen. Kadi janngo e jam so ɓesnguuji men ngarii mbaasa hersude.
