En ngaynidaani e yonta karalle kese e kaawisaaji mum, nigawal (informatique) nana waɗa taaɓannde mawnde naatnoore en he yonta keso, yonta dirtiwal (mécanique) ñilliwal (quantique), haa teeŋti e nigawal ñilliwal (informatique quantique). Google e IBM e galleeji karalle kabrii peewnugol masiŋaaji baawɗi waɗde hiisa ka masiŋaaji jooni ɗii (ordinateeruuji jooni ɗii) miijantaake waawde waɗde. Ko goonga noon ngaal karallaagal suwaa tawo ɓenndude saka waawa huuɓtidineede, kono ɗuum leelataa.
Hol ko firti dirtiwal ñilliwal ?
Ɓalliwal ñilliwal ko catal ganndiwal toppitiingal wiɗtude jikku pecore toko-ñille no feewi, baaɗe no moɓore (atomes) e ustoron (électrons), ɗe yitere mehre waawaa yiyde.
Ngal ɓalliwal faccirta ko hol no ɗee pecore ndirtirta, hol no ɗe nguurdiri hakkunde majje, haa teeŋti noon anndude jikkuuji kaawniiɗi ɗe njogii (yeru waawde wonde he nokkuuji ɗiɗi ceertuɗi laawol gootol, walla kadi jogaade jikku pecore e jikku bempeƴƴe).
Bookara Aamadu Bah
