Ganndo mawɗo, mo yimɓe kala njogori hattaade waajuyaaji mum, hono Ceerno Ábdul Ajiiju Sih, sankiima ñalnde alarba 2 mee 2012, to Ndakaaru. Omo yahratnoo e duuɓi 69. Kanko wonnoo, duuɓi keewɗi jooni, almaami Jumaa Maruk, to Nuwaasoot. Almaami Abdul Ajiiju Sih ɓuri anndireede ko jeewte mum diine to rajo e tele Muritani e waajuyaaji mum nder jumaaji e jamaaji Nuwaasoot.
Ko o ceerno jankiniiɗo o wonnoo. Ojibinaa ko e hitaande 1943 to Teekaan.Ko o marɗo Ɓuraano no feewi. O janngii e duɗal Seek Muhammed, Al Hajji Soh to Ɓoggee. O janngii kadi e Duɗal Toowngal Jangde Diine Lislaam (ISERI) mo Nuwaasoot, o heɓi ɗoon Seedantaagal Ɗiggo (Maitrise) ko fayti e ganndal figh. Ko o tergal Diiso Toowngo Lislaam leydi Muritani o wonnoo. Ɓesngu juulɓe waasii ɗoo ganndo e kiliifa mawɗo. E nder ɗuum, Fedde Ɓamtaare Pulaar e Muritani ina duwanoo ɓesngu makko e ɓesngu Muritani fof. Yo Alla yurmo mo yaafoo mo.
