Cukalon ɗiɗon, kon duuɓi 3 e 5, balɗe 6 na njiimi e yumma mum en ina maayi.
Ko pompiyeeji njiyti ɓe, caggal nde hoɗdiiɓe ɓee noddi ɗum en, tawi teskiima ndiyam e henndu ndu welaani ina njalta e galle hee. Ko ñalnde 6 abriil 2016 ɗum waɗnoo to Troyes to leydi Farayse. Ndeen pompiyeeji naatii galle oo, ɓe tawi debbo ina maayi (ko ina wona balɗe 6), cukalon ɗiɗon kon ina ɗaanii sara mum.
Balɗe jeegom kon nguuri ko kosam e yaawuur e mburuuji kon ndefatnoo e fuur yiite. Tokosel ngel wiyi ko mawngel ngel feewnantunoo ɗum biberoŋ mum. Balɗe jeegom, nokku ɗo debbo oo janngatnoo dognude oto, subaka fof ina nodda mo, kono ko cukalon kon njaaboo “neene ko ɗaaniiɗo”. Caggal nde yumma oo wirnaa, cukalon kon ndokkitaa baaba mum en mo ɓe mbayri yiyde lebbi keewɗi.
Siin ñaamata betoŋ !
E nder duuɓi tati, woni hakkunde 2011 e 2013, ko leydi Siin ñaami (huutorii) e betoŋ koo, ɓurtiima ko leydi Amerik huutorii betoŋ e nder duuɓi 100, woni hakkunde 1900 e 2000.
