Ko ñalndė aset 25/06/11 to Room, o haali ɗum. O wiyi wonde leyɗeele mawɗe ɗee njaɓaani gollodaade ngam huuñtude caɗeele nguura. Ɗe ngoni boom ko e teeɗanaade heɓtude leyɗeele ndema leyɗe baasɗe ɗee. E miijo makko “mbayliigu ngonka weeyo, addanii caɗeele nguura wonde geɗal ɓurngal teeŋtude e yonta men hannde oo ”. Kofi Anan, wonande yejjitve, meeɗiino ardaade Fedde Ngenndiije Dentuɗe. Ko kanko Ban Ki Moon lomtinoo e hitaande 2006 e gardagol Fedde ndee.
Ɗoo e Muritani won ko nganndu-ɗen heen, sibu gila rawane, laamu Muritani seeraani e wiyde ina ƴetta gese daande maayo ina totta pelle jananinkooje. Hikka ko diiwaan Ɓoggee oo ƴamaa. Perfee Ɓoggee takkii ɗoon kaayit ina habra wonde laamu ina yiɗi heɓtude diiwaan jaajɗo no feewi, ɗo yimɓe gure cawndiiɗe ndematnoo jeeri ina oorna heen jawdi mum en, tawi alaa fof mo tintini, tee hay gooto haaldaani. Firti tan, ko yiɗaa waɗeede ɗoon koo, wonaa nafoore ɓesngu nguu yiyletee heen, sibu eɗen njenanaa, jeykiniiɓe ko njeyaa ngam wootaneede, so so ina mbaɗa huunde nafoore yimɓe, kumpintaa ɗum en. Kono, haa yeeso ko laawol.
