Oo ɗoo ñalawma tedduɗo, ñalluɗo hannde aljumaa, 25 lewru samwiyee, hitaande 2013, ko ñalawma mo wuro Barooɓe Jakel resani siyaara. Siyaara oo waɗi ko ñalawma ɗiɗaɓo, caggal ñalnde mowluuda ndee walla haa ɓura laaɓde, mbiyen mowluuda oo waɗnoo ko ñalnde alarba 23 lewru siilo. Ñalnde alkamisa 24 siilo (samwiyee) ko fooftere, nde tawnoo dowɓe mowluuda ɓee, ko ɓeen kadi haa hannde ngoni ardiiɓe siyaara oo. Ciftinen wonde dowi geɗe siyaara oo, caggal Ceerno Abuu Diiye Kebe, kilifa dental ngal, mawɗo galle Hebbeeɓе оо, ко ɓеe ɗoo : Ceerno Mammadu Sih to Sorimalee (gadiiɗo yaltinde miijo wonde yo siyaara Muktaar waɗtu waɗeede). Ceerno Abdarahmaani Gasamme
- Aamadu Usmaan Maamuudu Diko Kebe
- Mammadu Buubu Jallo
- Alhajji Ceerno Muktaar Alhajji Ceerno Muktaar Kebe -E Ceerno Mammadu Ibraahiima Aali, ganndiraaɗo Mammadu Warbaa.
Ñalnde 25 ndee, woni oo ɗoo ñalawma siyaara mo kuuf-ɗen, tuggude e puɗal naange haa takkusaan juulee. Waɗantee siyaaro oo ko Ceerno Muktaar Sammba lollirɗo Ceerno Yero Kudeeje. Siyaara oo fuɗɗii waɗeede ko e hitaande 1997. Hay so tawii ɓesngu Barooɓe ena joginoo fiɓnde waɗande mo siyaara e ndeen hitaande, semmbini ngu e ngoon miijo ko Sorimaleenaaɓe e Bokkenaaɓe. Caggal Barooɓe Jakel, ko ɗee ɗoo gure ɗiɗi ngoni jaale yummaaje siyaara oo. E oo subaka aljumaa, 25 lewru siilo hitaande 2013, caggal ummoriiɓe to Ndakaaru laamorgo dowla Senegaal, to Nuwaasot, laamorgo dowla Muritani, to Kaay Sammba Laawa to leydi Mali, ɗee ɗoo gure ne tawtoraama siyaara oo : Ɓokke Salsalɓe, Ɓokke Mbaayɓe, Ɓokke Jalluɓe, Fereуɓе Ɓokke, Pete jeeri, Nguy, Salnde Tebegut, Koyli Jaawa, Waasetaake wuro Ceerno Haadii Wele, Sorimalee, Liiliya, Cengelel, Mbotto, Cilaa, Garlol, Jaarangel, Kayhayɗi, Maaqaama e Ɓoggel Faaduwaa.
Nde jamaanu nguu naati galle haa jooɗii, kilifa galle hebbeeɓe, almaami raatib wuro Barooɓe e hilifaaɓe heeriiɓe ummoriiɓe e gure catiiɗe njooɗii, adii waɗeede ko silki Ɓuraana, laawol gootol. Ɗowi golle ɗee ko ceerno Abdarahmaani Gasamme e ballondiral Mammadu Buubu Jallo e goomu mumen (inɗe gonɗe dow ɗee). Nde deftere Alla ndee tellinaa haa joofi, rokkaa yo duwo ko Ceerno Aamadu Muktaar Baro. Duwaaw timmi, joɗnde ndee naatani wirdude e caggal Abdarahmaani Gasamme e goomu mum :
Astaqfirullaah : laabi 12.000
Salaatul faatiha : laabi 499
Basmala : laabi 12.000
Yaa laɗiif : laabi 16641
Aayatal kursiiyu : laabi 313
Jawharatul kamaali : laabi ɓ5
Nde golle duwaaw ɗee ngasi, yamiroore waɗi ko yo jamaanu nguu yettoyo baamuule ngam juuroyaade rawda ceerno Muktaar Sammba, baɗanteeɗo siyaara oo, kañum e denndaangal maayɓe juulɓe, leliiɓe ɗoon. Jamaanu, ngu 500 banii-Aadama, pawngu seeɗa, ñontii, rewi e kilifa galle hono Ceerno Abuu Kebe lollirɗo ceerno Abuu Diiye Kebe haa nder genaale, ena yooɓii daande « Laailaaha-illallaah ». Keele e nder hilifaaɓe diine wonnooɓe ɗoon, cawtaa, mbiyaa yo naat to nder rawda too. Yimɓe heddiiɓe ɓee catii rawda oo. Ko ɗoon lappol kahaydinaaɓe ngol yimɓe 7 e gardagol Sheriif Saydu Haydara, ƴettii. Hilifaaɓe ɓee mbeltii, mbarkinorii garal ngal, cakkiti kadi ɗii ɗoo duwawuuji :
Laa-ilaaha-illallaah (Deweteedo)
alaa so wonaa Alla) : laabi 70.000
Faatiha : laawol
Salaatul faatiha : laawol
Yaa laɗiif : laabi 12
Njillu e baamuule joofi, jamaanu refti e kilifa siyaara oo, fayti galle. Abdarahmaani Gasamme, Alhajji Ceerno Muktaar Kebe e Sheriif Saydu Haydara ngoni e waajaade yimɓe ɓее haa bottaaje ngari, jamaanu wottii, hawri e waktu juuloygol yontii, ko ñalawma aljumaa wonnoo, yahi juuloyi, arti, duwaaw sakkitaa, ngu saakii.
Siley Muusaa
