Ñalnde 18 silto 2025, ka wirtiima Naange ɗo ɓadii laawol 25ɓol (Périhélie). He ngoon wirto, ka yettiima njaaweeki makka ɓurndi mawnude kadi (≈ 687 000 km/w). Tee ɗuum alaa ko battini e kaɓirɗe makka, jokkuɗe golloraade no haanirta nii, nde ka wirtotoo Naange ngee, e caggal wirto ngoo fof ; huunde saɗnde sanne.
Wonaa ngol ɗoo laawol tan njaaweeki makka kaa yettii ɗoo : ndi yettinooma ɗoon he wirtungo Naange bowte (desaambar) 2024, e mbooy (mars) e korse (suweŋ) 2025.
Faandaare huɓtodinnde ngol lappol ko huuñtitaade mbirniindi meetelol naange, nguli ngal laral, e harto weendu naange, kam e peeñpeeñe sulɗere jahdooje heen.
Hol ko hesɗi heen ?
- Yettaande ndii njaaweendi ine rokka humpitooji kesi nder ngonkaaji kaaɗtudi caɗeele – tolno nguli, ñoƴƴere, henndu naange – ngam hoolkisaade muñal kaɓirɗe ɗee.
- Cunnagol ɓadingol gese sulɗere, e pecoron ndimndukon e waylowaylo meetelol ngol. Annduɓe ɓee ine ɗaminii ɓeydaade faamde no yakawere ndee eggirta faade nokkuuji ɓadiiɗi naange (e hol ko waɗi meetelol ngol ɓuri huurngo naange ngoo wulde).
•Ɗee laɓɓtinooje ine mballita moƴƴinde tiimtorɗe tijjorɗe ƴiiwoole naange kam e kewkewe naange baawɗe haljinde jowitiiɗe (satelit) e jokkondire, walla laylayti leydi.
•So juutii, ɗum ine waawi wallude en heblanaade tanaaji baawɗi heɓtaade karalle weeyo walla mahɗe leydi tinooje caafal.
Kaaɗtudi caɗeele ine tijjanoo
•Ɓeeynirka kaa ine foti muñde nguleeki ɓurtuki, kam e waraango tiisngo pecore, e baylagol dimle, kam e kaljine sulɗiwe. - Keɓe ɗee fof mbaawaa neldeede ɗoon e ɗoon, walla nde laana kaa ɓallii no feewi naange – ɗum noon alaa e sago ɗe mooftee, ɗe neldoyee sahaa goɗɗo.
- Haa hannde ine soklaa ɓeeynirka kaa weeya dow naange ngee laabi keewɗi ngam faggaade keɓe keewɗe, ngam ɓeydaade ƴeewndaade ganndal nguli e ngonka meetelol ngol.
Bookara Aamadu Bah
