Ñalnde 27/2/2025 lappol Nasa inniraangol IM-2 diwii faade wuddu worgo lewru, ngam hoolkisaade goodaangal toon ndiyam njookiɗam nder galaas, e ƴettude natal ngaluuji goodɗi toon. Wuddo worgo lewru ine anndiraa mooftude ngaluuji keewɗi. Nguu njiylawu maa wallitoy jahgol toon lappi Artemis ngam aaɓnude ko fotoyta wonde toon tuddule gadane aadee en.
Haa teeŋti noon e yiytude e natde ɗo ndiyam tawetee he dow lewru. Huunde jojjunde wonande lappi koɗaaɗi, gila e ndiyam ceniɗam hee e peewnugol henndu foofeteendu (oksigen poofotooɗo) kam e diƴƴere (hidorogen) fiiseeji.
Wuddu worgo lewru ine waɗtaa hakkille no feewi sibu ko nokku birniiɗo, ɗum noon kenaniiɗo jookde geɗe jaawɗe cuyooje baaɗe no diƴƴere. Naɗle jiyooje naange no moƴƴi kadi ine cawndii nokku oo, huunde wallitoyoore poŋtugol toon ɗalduɗe naange wonannde tunndude lewru faande.
Roɓindo : Bookara Aamadu Bah
