Mi nanii jooni duttagol sehil am, ɓiy neenam, genndiyanke goonga gaanga, daraniiɗo pinal ngenndi e ɗemngal Pulaar e sifaa keeriiɗo, ɗemngal ngal o janngi, o janngini, ngal o foofirtunoo. O waɗi nguurndam makko fof ko ɓamtude Pulaar, e ƴellitde pinal mum, ñeeal mum, aadaaji e donaaɗi mum. O meeɗaa seerde e noddude sukaaɓe e rewɓe, e wiyde ɗum en yo njanngu Pulaar. Ɗo galle makko ɗoo, caali kii e saal oo e wooturu e cuuɗi sukaaɓe makko, kam e fof ko duɗe janngirɗe pulaar.
Haamiidu Bah ko neɗɗo jom hakkille njeerteejo, neɗɗo newiiɗo, jankiniiɗo, juulɗo,. O ɓeydii no feewi jangde Pulaar nder Fedde Ɓamtaare Pulaar, nde o wonnoo hooreejo catal mum to Suwoyraat, caggal nde halfinaa denndaangal golle nder mum. Binndanɗe makko nder Fooyre Ɓamtaare ko ceedtinɗe, lugge, keewɗe faayiida. FƁPM waasii jaggal, Fooyre waasii binndoowo. Kanko fof e wondunoode e caɗeele dillugol caggal aksidaa ustuɗo kattanɗe makko ɓalndu no feewi, ɗuum haɗaani mo yuɓɓinde jeewte e jalbinde Pulaar e ñeeñe mum nder kiirɗe pinal sahaa guurte mawɗe. Darnde nder tiiɗnugol mahondiral renndo nder wuro Suwoyraat.
Miin noon, mi waasii jahdiiɗo nder hare ƴellitaare pinal. Maayde makko ko baasal mawngal wonande fulɓe e pulaagu. Yo Alla rokku en no muñir-ɗen e no cukkir-ɗen ndee yolnde.
En ndenndii sunu e Suwoyraatnaaɓe. En nduwaniima banndiraaɓe makko e jom suudu makko Jaari e renndo ngoo no diidorinoo. Mi duwaniima Fedde Ɓamtaare Pulaar he Muritani.
Sankaare Haamiidu Bah : FƁPM Suwoyraat waasii jaggal
