Taƴe bagi wiyolee (baka) ɓooyɗe njiytaama to worgo Israayiil he maayirɗe saawiyee 2021 hee. E wiiyde wiɗtooɓe ɓee, ɗumɗoo ko huunde hollitoore ngalu hoɗnooɓe he oon nokku he yonta Annabi Daawuuda e Sileymaani.
Taƴe goobiraaɗe baka ɗee njiytaa ko e giirte ganni nder joolol nokku ine wiyee Tinma to worgo Israayiil. Goobu nguu, Alla e mum saɗde gollaade, ɓuri hay kaŋŋe tiiɗde coggu e oon sahaa. He oo yonta ɓooyɗo, sibu ɓurii duuɓi ujunere ko adii yonta men sibu ko he yonta Annabi Daawuuda, ɓuurnotonoo comci goobaaɗi baka (wiyolee) tan ko laamɓe, rimɓe, walla seernaaɓe. E wiyde Erez Ben-Yosef, porfesoor to catal biillewal to Duɗal Jaaɓi-haaɗtirde Tel-Aviv, ko yiitaa Tinma koo, humpitii yimɓe geɗe keewɗe wonande tirbiiji eggiyankooji koɗnooɗi he oon nokku e oon yonta.
Bookara Aamadu Bah
