Celules nguɗu (kaaseer) nguuri ko suukaraaji. Won e yimɓe ina miijoo waɗde haɓoraade ngu heege, woni gonduɗo e maggu ina waawi sellude e maggu so woppii suukara fof…
To leydi Farayse, ujunaaje keewɗe yimɓe ina maaya hitaande kala, caggal dumunna seeɗa nde ƴetti alteret, tawi wari ɗum en ko « dartagol ɓernde » (enndu wusnere). E miijo won ɓeen annduɓe, ɗuum ina waawi nattude so tawii yimɓe ɓee nduumiima e ɗii aadaaji :
– Joomum mbaasa jooɗaade, njalta, teddina yiyde boowal, caaɗnoo e naange, ndillina terɗe mum en.
– ñaamdu moƴuru Ñaamdu ɓurndu waawde faddaade ñawu ɓernde ko sewosewo, liɗɗi, oliif (Seytuun) e nebam mum, ñebbe, lantiy, ɓiɗɓe leɗɗe koɓotooɗe joorɗe, kuɗooji uurɗi e laac. To bannge njaram ko kafe e ataaye. Tawa kadi ko ñaamdu kakindiindu.
l Masiŋaaji na lomtoo yimɓe, yeru to isin biyeteeɗo Foxconn (Taywaan) ina jeyaa e isinaaji peewnooji telefoŋaaji biyeteeɗi iPhone (aayfon). Gooto e ɗiin isinaaji gonɗo to leydi Siin, gollintunooɗo fotde 110 000 neɗɗo, ustii heen feccere, lomtini ɗoon robooji ngam waɗde golle ɓeen mbaɗatnoo ɗee. Ɗuum waɗi ko e lewru mee 2016 ɓennundu nduu tan.
Wiyatnooɓe wonde masiŋaaji ko ko njogori lomtaade aadee e yoga e golle ndañii ko kaali.
