G8 ko dental leyɗe jeetati ɓurɗe ƴellitaade to bannge mbaylaandi e nder winndere nde : Dental Amerik, Sapon, Almaañ, Angalteer (Royaume-Uni), Farayse, Itaali, Kanadaa e Riisi. Ɗee leyɗe jeetati njogii ko ina tolnoo e 66,5% e ngalu winndere nde, tawi noon kañje jeetati fof so ɗe ndentii yimɓe majje ɓuraani 13,5%, hay so tawii ko kañje njentinta ko ina ɓura tataɓal ngalu winndere. Hitaande kala ardiiɓe ɗeeɗoo leyɗe ina ndenta. Kala nde batu ngu ari e jooɗaade, dillere wiyeteende « Altermonjaalist en (altermondialistes) ina seppo ngam hollitde luulndagol mum ndeeɗoo fedde.
Ɓeeɗoo njooɓtorii ngalɗoo dental ko yiɗde mum jiimde aduna o tawi hiisaaki leyɗe winndere keddiiɗe ɗe. Heen sahaaji ko pelɓondire muusɗe mbaɗata haa addani batuuji ɗi nattude waɗde e nder gure mawɗe ; ɗi keewi yuɓɓineede jooni ko nokkuuji joñiiɗi no feewi. Ɗo idan ɗo, e hitaande 1975, wonnoo tan ko G6 (leyɗe jeegom). Ko maw- ɗo leydi Farayse ndeen, hono 7aléry Giscard d’Estaing fuɗɗi miijo ngo.
Hikka noon batu ngu jooɗoyii ko Almaañ e nokku biyeteeɗo HEILIGENDAMM tuggi 6 haa 8 suwee 2007 … Ko ina tolnoo e 16 000 polisiyee ngaddaama toon ngam faddaade seppooji altermonjaalist en. 60 miliyaar dolaar ngam haɓde e SIDA e Jontinooje e ɗoyru e nder Afrik Joɗnde G8 ina anniyii waɗde 16 200 miliyaar ugiyya ngam haɓde e Sida e jontinooje e ɗoyru e nder Afrik. Ko leydi Amerik difotoo feccere e ooɗoo kaalis. Gardiiɗo leydi Almaañ o, hono Angelaa Merkel maa fammin no ngal- ɗoo ballal sifortoo caggal nde jokkondiri e ardiiɓe leyɗe Afrik bismanooɗe e joɗnde nde hikka (Misra, Alaseri, Niseriyaa, Senegaal, Afrik worgo, Ecopi e Gana).
