Mi rafanooma ngaddaa-mi Ndakaaru ɗo opitaal Faan.Yero e ɓesngu mum ina ngara ñalde kala ina toppitoo kafeeje am. Ko sabaabu nde makko, Doktoor gooto anndini mi laaɓi dewatee[i haa kafeeje am peewnaa neldaa Nuwaasoot,mbele mi nawee Farayse safroyaade… Alla waɗi, nde kafeeje safaara am fof gasi e ballal e ganndondiral Yero e Opitaalnaaɓe ɓe, peewtinaa-mi Moritani, nawaa-mi Farayse safroyaade. Nde ngrartu mi, jiyondiral amen sa[ti. ɓonti ko ɓatakeeji tan min mbinndondirta, walla min ngona e haaldude e telefoŋaaji… Nde nan-mi o rafaama, ɗum soklini mi no feewi. Alla waɗi nde ngartu-mi [anngal safaara go[ngol to Farayse, njah-mi toon!. O waɗi miñiiko Idi Dooro Jallo, yo o yah Ayrepoor jaɓɓoyoo-mi toon!.
Oon ari toon jaɓɓaade mi, hawri toon e sehil am gooto. Kañum ne ko sehil am tiiɗɗo, ina wiyee Soh Muhammed El Habiib, ngenndiyanke! Kamɓe fof eɓe ngari jaɓɓaade mi! Min payi galle Yero… Yero mo nganndunoo-mi, so darinooma cikkataa ko sampiyoŋ, sabu darnde mum ina moƴƴi, cellal mum ina moƴƴi sanne! Mbayruno-moo-mi ko e ɗuum!.Omo wondi e timmeende, e softeende makko; ngar-mi taw-moo-mi ko e sariyoo, ko o boofo! …Ndeen o arii e ɗo o woni ɗoo, min maɓɓondiri. Minen ɗiɗo fof min ngoyi. Caggal ɗum o wiyi-mi “tokoro, ko ɗum woni ko ngaddu-ɗaa?” Mbiy-mi tokoro, waɗi noon, nde mbayrondir-ɗen nde, ko miin ñawnoo, hannde kadi, ko aan lomtii! ɓonaa nii [accirno-maa-mi. Min calmondiri…Mi wonii ɗoon balɗe joy. Min njeewtidii cukaagu amen fof. Gila nde min kawri Boobojulaasoo, haa nde min ngarti, haa e nde ngar-mi Opitaal Faan. Hay huunde, ndeen min ngoppaani. Ɗoon ɓur-mi yiyde ne[- ɗaagal makko. Ne[ɗo fof mo nanannoo-mi e senegaal mawɗo, ko heewi heen mi kawrii toon, walla mi hawrii toon e yimɓe mum en ina ngari salminde mo. Fuuta no fotiri, subaka e kihiiɗe, ko dente dente ngarata, rewɓe e worɓe, ina ngara salminde mo. Seernaaɓe mawɓe, immaa ceerno ara, walla nulaa- ɗo mum ara.
Min ñaldii ɗoon e gorko gooto ina wiyee Abdullaay Soh ina jeyaa Kayhaydi, nokku ina wiyee Gurel Saŋe, Ko e Moritani. Kanko, ko o almuudo Ceerno Madiina Gunaas, almuudo Aamadu Tijjaani. Ñalde heen nganndu-mi ko o nelaaɗo ceerno o. O wiyi Yero : “ceerno noon wiyi, on mba[ɗiino aadi, yo a timmin aadi o. On mba[diino aadi, kañum ariino juuraade ma, e oo sahaa ko aan arata njuuro-ɗaa ɗum”. Ɗum noon, ina wayi tan no mbiyraten, yiɗde jam. Juuretenooɗo so waɗtii juuraade, hankadi tawata ko sellii! Mi hawrii ɗoon kadi e Doktoor mawɗo jannginatnooɗo to iniwersitee Libi… Ina wayi no galle oo, ko hawriti heen, denndaangal fasoŋ yimɓe, e annduɓe, e mawɓe doktoreeɓe, wi[tiyankooɓe, ngenndiyankooɓe, fannuyankooɓe, naalankooɓe e denndaangal yimɓe. Mi hawrii ɗoon e suka ina woppi batte e am : suka oo ina waɗa jime e Angalee, ko o pulaajo, o wiyi o meeɗaani yahde Leyɗeele tuubakooɓe. O janngaani, o waɗaani, ina wayi no tan no dokke Alla nii. Ko yo pulaar o ɓamto kamɓe fof ɓe ngarata ɗoo. Yero woni njaatiige ɗum. Yero, reedu muuɗum e hakkille muuɗum ina waawi dolde denndaangal ɗiiɗoo jikkuuji e fannuuji.
Ɗum waɗi, Yero dañii ne[ɗaagal fof e mooftude geɗe ciforiiɗe hono nii. Ɗumɗoo ko huunde nde njiy-mi ɗoon, nde ngar-mi ɗoon, taw-mi Yero ina wonndi heen. Min ngonndii ɗoon noon haa balɗe joy ɗee timmi ngartu-mi Nuwaasoot. ɓonti hankadi, mbiɗo telifina ɓe, sahaa e sahaa fof. Mi telifina mbiɗo naamndoo ɓe no o wa[di e ɓalndu. Haa paay-mi hankadi Yero ko tampuɗo, sibu so mi noddii ɓe mbiya ko o ɗaaniiɗo, walla ko o jagguɗo, ekn… Nganndu-mi hankadi ko o tampuɗo….
Miin ne , waɗi noon, ko mi ittii goddol am e Yero. Min mbaynondirii, kanko Yero o wiyi mi kaliifa maa Alla. mbiy-moo-mi kanko ne kalifmaa Alla. Hay gooto anndaa gadatooɗo e cakkittooɗo. O addi sejaade oolde nde ina waɗi buslaa, ko hollata koo fu[naange e hirnaange… O wiyi mi ɗum ɗo ndah, giƴi am njihraa-mi ɗum. Mbiy-moo-mi aɗa anndi minen to Moritani sajaade, e mbajjuuji fof ina keewi toon. Ɗum noon accu mi yaafiima! O wiyi tiiɗno, mi hokkiraani ma e[ina Moritani walla alaa. Ndokkir-maa-mi tan ko suwoyneer hakkunde men. Ɗum woni o hokki mi sejjaade ndee naw-mi nde… Mi heɓii weltaare sibu goddol am iwii e makko. ɓa[i noon won ko wonnoo e becce ina waawi tawa kanko o anndaano ɗum e am. Waɗi noon, ina wayno o resi e am ko huunde tiiɗnde. Alla waɗi kanko Yero o sankii.
Ñalnde o sankii ndee, o sankii ko dimaas, e lewru men Mars 2006. Ndeen o sankiima hedde 9h, ina jeyaa e adiiɓe telefineede, miin. Idi, anndi ina heewi so neɗɗo dañii ko weli seeɗa, walla ko metti seeɗa wooda ko yejjiti… Mbiɗo sikki tan , mɓiɗo mo tiiɗi kam. Mbiy-mi Allaahu Akbar!… Ɗum kam guurɗo fof ina fadi ɗum! Jooni kanko Idi nde o haalani mi, o wiyi ɓe ubboyta mo ko lummbol-Sammba abdul. … Nii woni mi seerii e giɗo am. Banndiraaɓe! miijo-ɗen holi nguu ɗoo mbayniigu noon? Haa bada. Min ngontaa yiyndirde noon. Hankadi gasii. Hay gooto e amen yiytataa go[ɗo o. Ne[ɗo fof ina fadi ñalawma mum tan.
