Ko barnooɗo sukaaɓe mum nayo to Arafaat oo, wiyi noon, tawi omo addaa to ñaawoore. Hay yummum sukaaɓe ɓee, biyanooɗo maayii oo, ina wuuri, sibu omo tawaa ñalnde heen. Hade Hasan addeede toon, tawi o nawaama to doktoreeɓe hakkillaaji to » opitaal Jah « , njuurnii mo, kono ɓeen mbiyi ko omo wonndi e hakkille makko.
Kono yimɓe fof mbiyi ko njaɓaani, sibu » neɗɗo gonduɗo e hakkille mum, waawaa hirsude sukaaɓe mum « , ruttoo kadi wiya wardi ɗum en ko » mbele coodgu koltu juulde ina fawtoo ɗum « . Kadi, ruttoo kadi, waya no hay huunde mejaani ɗum nii.
Hassan arii ñalnde heen nootaade porkireer Dowla oo, omo ɓoornii wutte bulaajo, poliseeji ina ndewƴini mo. Kala ko o wiyanoo o haalii polis, o yeddaani, o goongɗinii ɗum yeeso ñaawoowo dowla oo : » Ina woodi, ko miin wiyi noon, miin wari sukaaɓe am, miɗo jogii heen hake » ! Yummum sukaaɓe ɓee, ari ko ina ɓoornii dampe oole. O wiyi o meeɗaa miijaade o wonndi ko e mo wonaa neɗɗo, wonaa aadee. Omo siñña, omo jangtoo » ngadii-mi yiyde ko ƴiiƴam e hunuko makko, cikku-mi ko o gaañiiɗo, kono, ndeen o yiyii kam tan, o woni e jalde, o wiyi ‘ mi warii sukaaɓe ɓee, en pooftii koltu juulde? » Caggal nde porkireer heɗii ɓe, o waɗti ɓe e juuɗe ñaawoowo goɗɗo. Oon, nde yiyi nate ɗee, ronku hay ƴeewde ɗum en ; nate sukaaɓe ina kirsaa, ina lummboo e ƴiiƴam mum en…
Caggal nde o yuurnii doosiyee mo o weeɗaa oo, o wiyi yo ɓe naw mo kasoo Daar Nayiim (…). Hasan waɗnoo ɗee bone ko jamma 17 jofi 18 ut 2012, so weetii ina wona juulde koorka. Bone ɗe hay gooto meeɗaa nande, saka yiyde.
Khaima Abuu Siisee
