Eɗen ciftora ko Saada Njaay laatinoo sabaabu ittugol Maki Sal e jappeere Jakkaa Ngenndi Senegaal. Ko kaŋko yeeynoo neɗɗaagal e banndiraagal, o soodi danyal e yiɗde wonde. Abdullaay Wadda yoɓii mo ngati o toɗɗaama Jaggal Laamu kalfinaangal Jokkondiral e Senegaalnaaɓe wonɓe caggal leydi.
Sikke alaa, so koniyaŋke dawrii wolde, maa warii maa waraama. Dawrugol noon wonaa wolde. So dawriyaŋke dawii, ko ngam safrude caɗeele ɓesngu mum, muuyaaɗe hoɗdiiɓe mum e banndiraaɓe mum, wonaa kay warde wondiiɓe mum, wonaa kay yeeyde neɗɗaagal e musidal e koɗdigal.
Ko oo mo Ngijilonnaaɓe mbiyata « Hammadal Kanal Ngijilon » wonnoo hooreejo diisnondiral Diiwaan Maatam. Ndeen, o teskaama waasde mo daranaade ɓesngu makko e banndiraaɓe makko. O ɓurnoo toppitaade tan ko laataade almudel mawɗo PDS. Yeru mum ko e fiilgno 22 Marsa 2009, jibinannde Ɓokki-Jawe fof njaɓaani fiilde mo, kaŋko e PDS. Hay Ngijilonnaaɓe, ɗo o jeyaa ɗoo ko noon. So neɗɗo noon ardinii wonde, yejjita ko foti ɗum waɗde ko. Deftere noon janngirtee ko banndi mum. Aamadu Malal Gey
