Lewru korse 2026 ine keskiniri jahral yeeso seŋɗe keewɗe : wiiño weeyo, cellal winndere, keewciiliwal (biodiversité), ganndal kilimaa e enformaik ñilliwo. Ɗee jiyte kala ine peeñnina jahral yeeso jaawngal wiiño ganndiwal e baɗte mum ɓeydotooɗe dow caɗeele winndere ndee.
Pasadena (Dowlaaji Dentuɗi) : Weeyoweeɓe keɓii kararuuji jaajɗi ɗi hono mum en meeɗaa dañeede, paatuɗi e tagofeere boowaliire HD 80606 b, deestiinde Leydi fotde 217 hitaande-annoore, tawi ɓe kuutorii ko niiwnorgal James Webb. So nde wirtiima Naange, nguli mayre ine ŋabba haa 600°C, haa mbayliigaaji ɗi ngaadoraaka mbaɗa e hennduure mayre. Wiɗtooɓe ɓee njuurnitiima goodaangal toon, metaan e gaas ƴulɓo ngam ɓeydaade faamde baylawol ceɓɓitiingol hennduure tagopeeje ndee. Ngal jiytal udditii damal kesal wonande wiɗto beeyooje boowal yuɓɓo Naange.
Bookara Aamadu Bah
