Capanjoyaɓiire FƁPM : « Duuɓi 50 darnde ngam ɓamtaare ɗemɗe ngenndiije, e ƴellitaare ndonaandi pinal men »
Fedde Ɓamtaare Pulaar he Muritani (F.Ɓ.P.M.) ine mawnina, ñalnde aset 06 e 07 korse 2026 to Galle Sukaaɓe Ɓooyɗo to Nuwaasoot, capanjoyaɓiire ko laamu Muritani heɓtini ɗum. Tiitoonde mawningol ngol ko : « Duuɓi 50 darnde ngam ɓamtaare ɗemɗe ngenndiije, e ƴellitaare ndonaandi pinal men »
Gila FƁPM sosaa e hitaande 1974 heɓtinaa ñalnde 4 korse 1976, nde daranii he ɗii duuɓi capanɗe joy, ko ƴellitde ɗemɗe ngenndiije, haa teeŋti e Pulaar, ko haɓde e majjere e sarde ganndal e hisnude ndonaandi pinal Muritani.
Teddiniraa udditgol ñalɗi ɗii ko Jaagorɗo Pinal e Ñeeñe e Kumpital e Jokkondiral e Sarɗirdu. Tuugnorgal golle ngal ko nii lelorii :
- Seppo pinal ; wejo defte e geɗe fitiramgollaagu ;
- Yeewtere faatunde he nguurndam e golle FƁPM
- Hiirde pinal e naalankaagal
Lappi ummoriiɗi cate fedde ndee gonɗe nder leydi e banngeeji goɗɗi, yantude e yimɓe daraniiɓe pinal, e hoohooɓe woɗɓe ummoriiɓe ceŋɗe kala, e yiɗɓe ɗemɗe ngenndiije woɗɓe, maa tawtore ngol mawningol.
He ɗii ñalɗi, maa FƁPM jaar fuɗɗunooɓe ndee hare pinal e ɗemɗe, teeŋtina pellital mum jokkude daranaade keewal pine, e janngirgol ɗemɗe ngenndiije, e laawɗingol mum en, kam e kaaldigal hakkunde leƴƴi ngenndi Muritani.
Ɗemɗe men, Neɗɗaagu men, Ngalu men ! »
Nuwaasoot, ñalnde 18/05/2026
Goomu Kumpital
