INALCO Duɗal Ngenndiwal ɗemɗe e pine fuɗnaange (Institut national des langues et civilisations orientales = INALCO). Ko duɗal toowngal jaŋde e wiɗto kalfinaangal jannginde ɗemɗe e pine ɗe ngonaa pine Orop hirnaange. E ngal anndiraa kadi duɗal « ɗemɗe O » (« Langues O), woni innde sanɗaaji janngatnooɗi e maggal. Ngal woni ko e wuro Pari. Ngal waɗti wiyeede nii ko e hitaande 1971. Ɗemɗe Afiriknaaje janngeteeɗe e maggal ko ɗeeɗoo : Amharik (kaaleteengal Ecopi) e Bantu e Berbeer e Komoreere (ɗemngal Komoor), e Hawsa e Malgasiire (ɗemngal Madagskaar) e Mandeŋ (bammbara) e Pulaar e Sooninke e Swaahili e Tigiriñiya (Eriiteree) e Wolof e Yuruba.
Jagodin mo Bagodin sankiima Ɓesngu Muritani e leñol Fulɓe e kuuɓal mbaasii ɗoo jaalal Pinal, baayeteeɗo haala, fanniyanke beeɓaaɗo konngol. Aadama Sih ganndiraaɗo Jagodin to Bagodin yaltii e men. En nelda duwaawu feewde e denndaangal ɓesngu Bagodin, teeŋti noon e galle makko. Yo Geno waɗ fooftorde makko e nder aljannaaji hakkunde nammbuuji bewɗi ñebbe, buudi e jayeeje. Seydi Sih ñebbe kay malaama hankadi!
Duwaawu Fooyre Ɓamtaare ina duwanoo musiɗɗo Aamadu Lih, tergal FƁPM to Kayhaɗi sabu sankaare jiknaaɗo mum debbo, hono Binta Boofel, cankiiɗo ñalnde 28 mee 2013, to Kayhayɗi, ina yahra e duuɓi 81. Innaa Lillaahi wa innaa ileyhi raaji uun.
